L'ASPIRINA YE BONA

La sensación de dolor ye una esperiencia suxetiva. Inflúin na so perceición munches variables que cada aficionáu pue tolerar meyor o peor. Aspirina tien una aición analxésica periférica. Aspirina Bayer asolivia mancadures de diversa intensidá y orixe, seique: dolores de tiesta, cefalees tensionales, xaqueques... La iguadora de Bayer en Lada (La Felguera), nel conceyu de Llangréu, ye la referencia mundial de la Aspirina. Equí ellabórase'l 85% de la producción total del so principiu activu... Hai dellos xugadores de futbol en Munich que llámase-yos Aspirinos.

Pieslla La Voz de Asturias

“LA VOZ DE ASTURIAS pone fin a 89 años de periodismo y servicio a todos los asturianos” (19-4-2012)

Fai medio sieglu, de neñu, mercaba La Voz nos chigres del occidente asturianu a un tiempu que'l Caopinín. Anguaño, en Madrid, la compraba en dalgunos quioscos o la lleía na REDE. Dende esta Villa y Corte, apurría los mios comentarios o poemes que-yos espublizaben de cutiu. Col talegu la Feria Muestres de Xixón trespandaba pa Castiella los sos símbolos d’asturianía. Güei, La Voz d'Asturias pieslla. La mio voz calla con ella pos manca’l gargüelu y la pallabra tarabica...

Dende Madrid, la mio solidaridá colos trabayadores de La Voz d'Asturias y el mio enfotu en que van salir a flote ceo. Mentanto, yá formen parte de la nuesa historia recién.

El vuesu collaciu: Xosé Rodríguez Pérez (Pindesierra)

¿Aú ta la vuesa ánima?

Un pequeño elefante vio como unos cazadores abatían a tiros a su madre. Ese joven paquidermo «hoy ha crecido y no acepta a ningún hombre blanco». De hecho «los elefantes no olvidan y ya ha tenido algún altercado con los turistas que visitan sus tierras», cuenta Myriam Angón, portavoz de 'Feeling Africa', una empresa española de turismo que trabaja en Botswana y que afirma que, debido a su majestuosa memoria, la caza de elefantes, que puede costar hasta 40.000 euros, es una actividad que también puede salir cara a la economía del país.«Los animales que han tenido encontronazos con cazadores se acuerdan de estos percances y comienzan a atacar a los turistas, el principal ingreso del país», explica Angón, quien asegura que este tipo de safaris, como en el que participaba el Rey Juan Carlos el pasado sábado cuando sufrió la fractura de cadera, están muy solicitados por los españoles, entre los que apunta «otras figuras de renombre como algunos toreros»... QUÉ (Lunes 16-4-2012)

La tortura de los toros, “Bien Cultural”. Agora, esti safari real. Naide, rei o villanu, tien de matar a estos rescamplantes animales vexetarianos. ¿Sigue daquién calteniendo que'l ser humanu tien ánima?, ¿y que les lleis son xustes cuando nun xulguen estes barbaries?

Sonetu sorprendentemente topáu nel mediu una caleya...

Con Derecho Civil y con Romano,
prima el real poder que da el dinero,
ignora al animal, que es compañero,
transmutando lo humano en inhumano.

Relegando el criterio a ruin villano,
sin que el mal alimente al pordiosero,
socorre la cultura del torero
y que apriete el gatillo fina mano.

¡Qué sepan que lo impuesto “pega el cante”!,
si obstruyendo el derecho a caer enfermo,
da patente de corso al gobernante,

para matar al dócil paquidermo,
sufragando el safari repugnante,
en tanto que algún plato queda yermo.

Espublizáu en 20 Minutos (19-4-2012)

EN VALSERONDU

Entamara a sentir xaciar la vida,
de la que yá escaeciera’l mesmu enfotu,
de la que s’afogaba allá per Sotu,
de la que nun guariaba la firida.

De magar que pasóu pa La Florida
anecióu en componer el pasáu rotu,
nun-y valiera’l vieyu, l’alborotu,
seique nun alitóu nin la carpida.

Apenas esguilara a Valserondu,
la sou arca recostina nun nocéu,
semeyaba españar, frayar el fondu,

La cadarma esbarióu, pintaba feu,
como si envelenara pol fediondu,
morréu'l probe na escontra de Tinéu.

ENSIN SOLIDARIDÁ (Entrada 200)

29 marzu, fuelga xeneral, y ellí taben como tolos díes, na mesma mesa, apuraos na mesma andecha. Yá los agüeyara dende lloñe y decatárame de que desendolcaben la so estaya al altu la lleva. Averéme a ellos col envís de que se-yos cayera la cara de vergoña; pero non, porfiaron en xugar a les cartes. Alderiqué-yos que la xente paraba nesi día y que dempués diba a haber una axuntanza pel centru la ciudá, poro aneciaron cola partida. Amesté que caleyaba un piquete pela redolada y qu'igual los afalagaba, sicasí siguieron talamente. Colé del parque ablucáu pola poca solidaridá qu’amuesen dalgunos.

¿Ya el neno?

La Voz de Asturias (23.3.2012)
Telefónica ficha al marido de Soraya Sáenz de Santamaría
22/03/2012 14:20 / EUROPA PRESS / Madrid
Iván Rosa, abogado del Estado en excendencia y esposo de la vicepresidenta primera del Gobierno, Soraya Sáenz de Santamaría, se va a incorporar al departamento jurídico de Telefónica...

¡Coime!, ¿ya al neno, inda nun-y colocanon?
Amiguinos de la Voz: ¿Qué ye tar en “excendencia”?

FUTURU LLONXANU

La ministra Fomentu amosaba nel Senáu la programación dedicada a Asturies nel nuevu plan d'actuaciones del departamentu fasta 2024. Ensin entrar en plazos concretos, Ana Pastor perxura que rematará l'autovía del Cantábricu y la llegada a Asturies de l'alta velocidá ferroviaria. Sobre l'AVE, esclarió que los trenes nun solo van llegar a Uviéu y Xixón. La llinia va tener un ramal a Avilés.

“Para el 2024,
que taremos nel asilu,
llegará l’AVE a Avilés”

Una comedia teatru
pa caltenenos en vilu.
¡Tamos fartos de cuplés!

EL MIO ESTUDIU DE CAMPU

Los humanos y los goriles, más cerca xenéticamente. Un grupu d'investigadores descifren el xenoma del simiu, del qu'un 15% de les sos secuencies coinciden coles de la nuesa especie (La Voz d’Asturies, vienres 9 de marzu).

¡Coime!, ésto yá lu sabía yo fai una montonera d’años. Agora toi con un estudiu de campu, afitáu nel arume del metru de Madrid, p’amosar qu'hai xente que comparte’l 99% de la so carga xenética col gochu.

La Casona Picarosu

Na fiesta de Picarosu,
al par baillen los paisanos,
dancen melandru y raposu
pelos bardiales cercanos.

Nel altor, la romería,

na vieyera, la paciencia,

y saber pasar el día,

como faen na residencia.

Nesti llugarín de cuentu,
asitiáu nesi cumal,
tol mundiu vive contentu
y naide s’alcuentra mal.

Ente viesques, praos y güertes
como nun los hai n’España,
ye un paraísu en ufiertes,
con imposible asonsaña.

Onde’l tiempu ta varáu,
enredando nesi altor,
columbrando tou Grau,
del cielu, nel corredor.

Allugáu nesa Casona,
a la vera los mayores,
a la escontra de la trona,
ente caleyos y flores.

Un saludo con estima
a esa talaya del norte,
de Castiella, pa esa cima,
Pindesierra, Villa y Corte.

QUERER AL PRÓXIMU

La vida ye esencialmente igual pa nós que pa cualesquier otru ser vivu, sía malvís, güe, perru o elefante. Acordies con ello, debemos el máximu respetu y procuru a los nuesos vecinos. Non, nun tán al nuesu serviciu, ¡qué babayada! ¿Crees que son los tos esclavos?, ¿yes acasu un absolutista o un dictador?, ¿cavilgues que'l tar na tiesta de la evolución te da derechu a triar a los menos intelixentes? Al debalu, facemos eso mesmu colos de nuesa mesma especie y asina nos va. Nun precises matar pa comer nin pa vistir pero, de nenguna manera, pa gayola. Los otros collacios sufren como nós y tienen asemeyaos sentimientos, nun te creas meyor qu'ellos. Camuda la to actitú escontra estos y, per ende, escontra la natura. Refuga'l to disfraz y l'antroxu perenne de congoxes nel que te ves somorguiáu. Si vives trabucáu, recompón la to vida y busca la so compañía, non la so utilidá, vas ser más afayadizu y estimaránlo los inocentes; d'esa mena, vas entamar a querer de sópitu al próximu.

DEPRENDI ASTURIANU

Locuciones alverbiales de llugar:

a la vera, al llau, al par, a lo baxero, a lo cabero, a lo cimero, a lo fondero, de cote, escontra de, de la mano arriba, xunto a, etc.

Locuciones alverbiales de tiempu:

a vegaes, al empar, allá una vegada, de contino, de cutiu, de cuando en vez, de ralo en ralo, de secute, de xemes en cuando, nel intre, etc.

20 Minutos y España, güei; Sudamérica y Comunidá 20, ayeri:

JOSÉ RODRÍGUEZ PÉREZ. 03.02.2012

¿Nos hemos vuelto locos? Con 5 millones de parados, con profusión de salarios famélicos, con pensionistas congelados, con condiciones laborales cada vez más infames, con licenciados en prácticas sin cobrar un euro, con subidas exponenciales y abusivas en servicios como la luz o el gas; hoy 3 de febrero, leo con estupor en su diario: Wert aumentará las ayudas a los toros para considerarlos 'Patrimonio Inmaterial'...

Esta es mi respuesta contra las subvenciones a la tortura animal:

SONETO PARA LA ABOLICIÓN

Asoma, desalmada, la cuadrilla,
irrumpen, tras su rastro, monosabios;
desplegando la ira entre sus labios,
aplauden los crueles de la villa.

Su fiesta, torturar a un inocente,
las varas, banderillas y estocada
desangran; dando muerte con la espada,
en salvaje espectáculo inclemente.

Azuzan, sin la mínima cordura,
para que, quien designan por maestro,
linche a la infortunada criatura.

Las bestias que defienden la tortura,
cómplices del brutal guión siniestro,
a esa degradación, llaman cultura.


http://www.facebook.com/antitaurinoperu

o A 126 personas les gusta esto. / Gracias amigos de Perú, Colombia y el resto de América.

TOLOS AMIGOS Y COLLACIOS DE PINDESIERRA TAIS CONVIDAOS AL NUESU CASORIU Y A LA ESCRITURA LA PLAZA GARAXE.

De bon xeitu, tenemos el gustu de convidar a tola xente la contorna Pindesierra al nuesu casoriu y a la escritura la plaza garaxe que vamos celebrar el dolce febreru de 2012 na notaría de Prospero Trapa Ayalga, Cai de la Escandalera, 7. De la mesma mena, prestaríanos a esgaya vos allegarais a la xinta que vamos antroxar, de la qu’escotemos l’IVA, na Delegación Facienda de la localidá.

Honorina Páez Hurtado y Recaréu Ruiz Gallardón

Amestáu al romance del Cuartu la Riera del Sieglu XIX...

Col enfotu de que Ramona ya las suas collacias sigan asoleyando romances ya cuentos del cantu la memoria pa que nun s’escaezan...

Sobre’l romance Ramona,
la de la Casa d’Arriba,
voi amestar esta cona
ya qu’esbarie nesa riba.

Hai penas de sentimientu,
tamién de piedra ferrial,
las d’entamu, de llamentu;
de finxu, las del final.

Sé qu'hai penas en Casares
y en Santianes, hortolana,
surten pel puertu Payares,
fasta una tierra llonxana.

Tarazada eiquí en Tinéu,
de la que marchas d’Asturias,
l’hortolana del penéu
güel endagora qu’amburias

pelos pandos de Castiella,
nel to coche, cola pena
qu’afuega como podrella
dende’l conceyu de L.lena.

El francés

Aprendí'l francés que pue deprendese mentanto'l bachilleratu, ensin maestros nativos y ensin trespandar a Francia. La verdá ye que daqué falsiaba porque nun aprendimos enforma bien. O'l sistema nun yera l'aparente o yéramos toos mui cortinos, amás de nun poner demasiao procuru nel escuru —poles semeyes antigües— métodu Perrier. Güei, dempués de munchos llustros, siento cantares franceses y esa llingua paezme un idioma abondo guapu. Falo dalgo más qu'enantes y entiéndome meyor coles franceses que colos franceses, sobre too coles nueves. D’otra mena, Francia tamién se m'abulta bramente afayadiza. Tuvi ocasión de faer un viaxe rescamplu a París y pudi comprobar “in situ” lu que m’albidraba d’aquella y seique aporfiaba un veceru arxentín sobre esa capital: Paris, Paris ye una ciudá maraviyosa; sicasí los franceses, los franceses son unos fíos de puta...Yo nun guardo esi refugu llexendariu escontra los galos; ye más, prestaríame que s’espardiera la nuesa rellación con ellos, por culpa de qu’en toles comunidaes convién llevase bien y los franceses son los nuesos fanegueros vecinos d’enriba.