Aldovinanza

(Semeya, Flor de lluna)

¿Qué cosa, qué cosadiella,

camudó nesti retratu?,

yeren cuatro na reciella

y agora nos falta un gatu.

Aldovina nesti cestu,

quien trocó pelu por pluma,

acolumbra pol so xestu

y dempués fai bien la suma.

¿Tienen cara de curuxa,

estos gatos curuxeros?,

¿o la curuxa gatuxa

tien los sos güeyos gateros?

Si nun foras quien a ello,

mira sele’l so focicu,

vas deprender l’enguedeyo,

si atopes nel intre un picu.

Asina somos

     Seique morrió otro bon paisanu. Cuasi que tol que muerre, en resultes foi una bona persona, fasta pa los que-y andaron poniendo falcatrúes. A vegaes, abúltaseme que munchos castrones fueron bonos castrones. Asina somos los humanos. Güei les televisiones tuvieron tol día dando al rabil, anque nesto sí taben d’alcuerdu, y aporfiaron na mesma xera, aneciando coles imáxenes d’esi caberu adiós. Bien de xente s’averó a la Sala de los Pasos Escaecíos, ente ellos bien seguru que más d’un qu'enantes refugara dir al entierru de dalgún pariente; sicasí, asina somos los humanos. Hai una montonera homes y muyeres qu’abocana cada día ensin que naide se decate. Si acasu, asoleyen una curtia reseña na prensa’l día qu’entra na seición de necrolóxiques. A la mio ma, que tamién foi una muyer maraviyosa, de la que nos dexó, nin siquier la conseñaron nesa fueya. Sí, la mio ma, como nun yera afamada, careció fasta l’escaezu del requexu l’escaezu; magar qu’enxamás el nuesu, porque asina somos los humanos.

Güei ye’l día la poesía…

PA TARESINA GONZÁLEZ (reed.)

Tráyote’l cabás Taresa,

cola moñeca de trapu,

¡cuantayá, frañera encesa!,

seique-yos tornara'l Papu.

El mio versu, si te peta,

afitáu nestes ringleres.

Una preba, d’escoyeta,

del maxín a sos deleres.

Alcordances del collaciu

de guedeyes de panoya

que mudó a mayor, con xaciu,

sin escaecer la troya.

El mandilón de cuadrinos,

d’un caxón de la memoria.

Chuchos de los rapacinos,

los qu’enredaben na noria.

Les cintines de colores,

sin desendolcar los llazos.

Enfotu pa que nun llores

y de la to xente, abrazos.

Revolvinos de la fonte,

de la corra, unes castañes.

Una semeya la ponte

que cruciabes en Tremañes.

Al cuartu escuru de suaños

quiero, yo, la lluz iguar;

d’esta miente, tolos años,

abondo podrás xugar.

PINDESIERRA

Gracias Gobierno...

El Gobierno no gravará la vivienda habitual en el IRPF  (14.3.2014) 

EFE / Madrid La vicepresidenta del Gobierno, Soraya Sáenz de Santamaría, ha anunciado este viernes que el Ejecutivo no tiene intención de que la vivienda habitual sea imputada…

Detalle tierno

—no está imputada—

de este Gobierno:

no habrá putada.

Bajan pensiones,

bajan salarios,

más comisiones,

nuevos calvarios.

No habrá otro impuesto,

hoy no reiteran,

sobre lo puesto,

nada laceran.

Lo de la luz,

lo del transporte,

es una cruz,

todo es recorte.

Salvo prebenda,

no baja nada,

mas tu vivienda,

no está imputada.

Bárcena y Blesa,

nada les pasa,

saliendo ilesa,

tu misma casa.

Gracias Gobierno

y patronal,

desde este infierno,

punto final.

L'arcu la muerte

     

     D'Atocha a Santa Euxenia, el cercaníes madrilañu dibuxa un arcu de círculu col so recorríu. Yo vivo práuticamente nel centru de la so cuerda imaxinaria, nun 6º pisu. Aquel malditu 11 de marzu de 2004, la mañana espertaba indiferente. Pasaos unos minutos de les 7 y media, yo m’alcontraba na mio terraza pendiente de que’l neñu s’aviara p’acompañalu al colexu. En torno a les 8 menos venti, y n’apenes 2 minutos, sentí como si daquién cutiera con un martiello repetíes vegaes nuna llata d’aceite vacía. La 1ª, tres veces; la segunda, otres tres y la tercera, cuatro. Aína decatéme de que debíen ser esplosiones por culpa de que’l soníu nun asemeyaba tar enforma averáu. La 1ª retafila vieno de la derecha. La 2ª del centru; sicasí un solo españíu lu oyí a manzorga. La 3ª riola tamién sonó a dereches; magar que d’un llugar más averáu. Namái llevar al guah.e a la escuela, prendí la radiu y yá camentaben qu'había dellos firíos y dalgún muertu. A min darréu me paeció que la cosa diba a ser peor al oyer tantes detonaciones. Colé a visitar a la mio ma nel autobús, que d’aquella yá taba mui malina, y na mesma cruz de la cai Seco cola Avda. de Ciudá de Barcelona, a un kilómetru d’Atocha, algamé a ver pel ventanu a dos mozos moros vistíos de ñegru que sonríen gociosos. Nada se sabía entovía; pero a min tampoco m’emprestó un res esa imaxe. Dempués les males novedaes se fueron socediendo y les víctimes aumentando. Les bombes españaron na estación d’Atocha, na del Pozu, una en Santa Euxenia —cuasique al tiempu que les del Pozu— y el restu xuntu a la cai Tellez, mui bien cerca de la primera. Lu qu’aportó de secute cunto que tol mundiu lu sabe. Ente los cadabres s’alcontraba la hermana de Silvia, la collacia’l mio fíu, a la que tapé col mio paragües cuando cayó la cabera tambascada de la qu’esperaba a la so hermana pequeña. D’igual mena, el fíu del vecín d’abaxo de la nuesa casa de campu y otra moza que trabayaba nun comerciu de la esquina, a la que vía tolos díes. De xemes en cuando, los duelos, los homenaxes, les flores, los llazos, les viesques y la cebada al rau aneciaron; pero valir, nun valieron pa nada. Si a la coria que reventó paisanos, muyeres y neños-yos hubieren torgáu'l pasu, nun taríamos falando d’esa sangrina. Escapao, les midíes de seguridá s'incrementaron “nos aeropuertos”. Les inocentes víctimes morrieron ensin nenguna culpa y a los firíos asina como a tola so parentela-yos arregallaron pola mesma causa. Ente discutinios, tal día como güei, fai yá 10 años. Mentanto, lleo ablucáu na prensa, nesa mesma cai Tellez a la que tuvi de baxar al mélicu, que güei hai más gandaya y amenaces d'esa mesma xente en España que les qu’había entós. De resultes, se m’abulta que tamos perdiendo l’aldu, sinón lu perdimos yá ensembre.

Pal to neñín

A la pita, pita,

pita del corral,

que’l so ñeru afita,

nel mediu un bardial.

A la gocha, gocha,

gocha del cubil,

la cabrina mocha

mexa na carril.

Al xatu xatucu,

que nun ye culón,

mama de sutrucu,

pos ye mui mamón.

A la oveya xalda,

de llana bermeya,

esguilando balda

a la muyer vieya.

A la pega, pega,

que berra y que berra,

siéntese na vega,

siéntese na cerra.

Al ferre ferreru,

qu’agüeya la presa,

pel fríu xineru

o na tarde encesa.

Al malvís prestosu,

qu’arrodia al paisanu,

al esbardu y osu,

caún más ufanu.

La xaronca ronca,

cuca los sos berros,

na poza la tronca,

perbaxo los cerros.

Ye pal to neñín,

esta poesía,

dientro’l mio maxín,

la estrofa s’avía.

El mar glaya

El mar nun ye pa cantar,

que si ye azul; que si, inmensu,

al mar lu hai qu’afalagar

y nun dexar indefensu.

Nun refundiar les basories

nes sos agües revolvines,

nin al aire valtar cories,

nin al terrén, los purines.

Nin térmiques, nin velenos,

que l’aliendu seya bonu,

pa desataponar senos

y llaceries del carbonu.

Nin más metales pesaos,

nin vertíos, nin gafures;

si nun tamos coordinaos,

morreremos con voltures.

El nuesu mar yá protesta

de qu’afuega, con mil foles,

ye’l mundiu como una orquesta,

que nun te cuenten más troles.

Camudemos el camín

y dexemos d’emporcar

la tierra, ríos y orpín,

o'l mar tornará a glayar.

Los clásicos griegos

Nun voi dicir que los clásicos griegos foran toos manfloritos, non. Nun voi dicir qu’ehí tan pa que la xente preparao ande arguyoso de ser quien a lleelos, non. Nun voi dicir que la filosofía nun atopó enxamás “La Verdá” y sicasí, aporfien les sos facultaes, enllenes de filósofos, en da-y al rabil a la so gueta, non. Nin siquier voi dicir qu’esos, los sos clásicos griegos, seyan mui aburríos, non; magar que, vamos tornar un cachu a los nuesos deleres a ver si sal con más gracia...

Sócrates

Marchémonos per esti llau y sigamos el cursu l'Iliso, y ellí onde meyor nos pete vamos escoyer dalgún sitiu afayadizu pa sentanos.

Fedro

Vienme perfeutamente salir de casa ensin calzáu, y aforrar nél como tu. Podemos siguir la corriente, y nella vamos tomar un bañu de pies, lo que ye prestosu nesta estación y a esta hora del día. De resultes, vas aventar l’arume a gochu.

Sócrates

Colemos, pos, y escueye tu'l sitiu onde nos vamos sentar.

Fedro

¿Ves esti plátanu de tanto altor?

Sócrates

¡Mialma, a min paezme rebollu!

Fedro

Ellí, a la so solombra, amás de moscar, vamos atopar un airucu prestosu y yerba onde sentanos, y, si nos plaz, echanos un cachu; magar que nun sé si garraremos dalguna pulga.

Sócrates

Pos, tira ho.

Fedro

Dime, Sócrates, ¿nun ye equí, en ciertu puntu de les orielles del Iliso, onde’l castrón de Boreas arrampuñó cola la ninfa Oritea?

Sócrates

Asina se cunta.

Fedro

Se m’abulta qu esi socesu tendría llugar equí mesmu, porque l'encantu sonriente de les foles, l'agua puro y tresparente y esta ribera, tou convida a que les ninfes tuvieren equí folgando.

Sócrates

Nun ye precisamente equí, sinón un plizcu más embaxo, como a dos o tres molinones, onde ta'l pasu del ríu pal templu de Diana Mata Bichos. Per este mesmu requexu hai un altar al páxaru de Boreas... 

El Juli, profesor universitariu

El Juli, profesor universitario • Las materias que impartirá serán cultura taurina y métodos para motivar • La Universidad Complutense y la Camilo José Cela se disputan su presencia • La Universidad de Salamanca y la de Málaga también están apostando por él… (El Mundiu – 28.2.2014) Y llueu dicen que ta mal la enseñanza en Carpetovetonia. ¿Como va tar, si na universidá anden asina? D’otra miente, voi moyar la tiesta por culpa de que nun sé si toi suañando y nel intre devolver, que me tan dando voltures. Enantes de que se m’escaeza, tolos mios amigos y collacios, que nun torturáis bichos, quedáis nomaos doctores “Cum laude”, acordies colo visto y conforme a min me peta.

75 cabudañu de Machado (21.2.2014).

Río Duero, río Duero,

ballesta de verso y Soria,

bañas de Castilla el cuero,

sus alamedas e historia.

Ventanal de San Saturio,

sobre tus aguas rizadas,

donde el bullicio es injurio,

y las palabras, forzadas.

Donde paseó el poeta,

donde el pedregal subía,

donde la dicha es completa

y siempre es excelso el día.

Allí el olmo es el monarca,

entre iglesias y palacios,

tótem ajeno a la parca,

el señor de estos espacios.

Es Soria pura y Numancia,

es el Duero, es el poema,

de quimeras, la alternancia,

tierra de belleza extrema.

Rio Duero, Río Duero,

eres de Soria, una alhaja,

del destino, compañero,

y de esa vida que ultraja.

La Variante Pichote y la relatividá

Variante: Esviación (del percorríu d’una vía, d’un camín).

Variante Pichote: Se diz de la esviación nel espaciu-tiempu que sufre de contino   la Variante Payares por culpa de tanto incompetente.

El 5 de xunetu de 1997, siendo ministru de Fomentu'l popular Rafael Arias-Salgado, se licita l'estudiu informativu de la Variante de Payares, que se diseña pa tráficu mistu.

El 11 de febreru de 2004, Cascos asitia la primera pina de la Variante.

El 19 de febreru de 2014, la Variante sigue ensin furrular, les víes anubiertes d’agua y el terrén esbarrumbando. Dempués d’una montonera retrasos de los distintos gobiernos, inda güei nun saben pa cuando van poner el ramu a la Variante Pichote.

París

     De lo qu’espublizo, la metá ye cuentu; sicasí, la otra metá ye la pura verdá. Esto que voi amestar nun ye trola y lo dedico a Sonsoles, a la que-y presta munchu París (como a min), qu’anda un plizcu malina, col envís de qu’alite ceo…

     D’aquella, taba nel bancu falando con un veceru francés sobro’l mio inmediatu viaxe a París, cuando otro, arxentín, que taba a la vera y que nun se decatara más que de que colaba pa la capital de Francia, m’espetó al altu la lleva: “¡Ah, París…, París es una siudad maravillosa, pero los franseses…, los franseses son unos hiiiiiiiijos de puuuuuta!”.

Moza asturiana

La to imaxe esperteya,

la color, frescu d’arume,

parolar, sele a la oreya,

seya nel mar o na cume.

Como paxarín de branu,

andes adulces la sabla,

yes el requexu del vanu,

yes del horriu, la so tabla.

Son los tos güeyos, andrinos,

el to xestu ye poema,

los tos pies son andarinos,

yes el candor fechu fema.

D’esmolecer, la to risa,

la brisa l'alba'l to aliendu,

la to manera, folixa,

de xeniu igual que rodendu.

Los tos llabios son carriles

que trespanden l’allegría,

dende mayu a los abriles,

somorguiada en poesía.

Yes la calor en xineru,

la rellumada del rayu,

de la rimada, senderu,

yes del riscar, el restallu.

Los mozos, xentes del aire,

per onde’l to pelo esnala,

la to piel, camisa’l flaire*,

l’asturianu, la to fala.

* Camisa’l flaire, planta de flores blanques

Pindesierra

Clichés

Se le cayó un verso suelto,

a un poeta despistado,

con un blanco se ha revuelto,

y en desconcierto han rimado.

Se le olvidó un verso libre,

cuando buscaba el caído,

sé que del mismo calibre,

en un caos desmedido.

Uno cantaba a la mar,

a esa mar tan recurrente,

que reincide sin parar

y tanto gusta a la gente.

Otro le cantaba al cielo,

¡joder con el cielo azul!,

el que pasma al más canelo

y soporte da al gandul.

Se unían en el ocaso,

o sea que, como siempre,

su feligrés hace caso,

en tanto la puesta empre. 

La puesta, no de gallina,

la puesta, puesta de sol,

por donde el cielo alucina

y el sol semeja un farol.

Ya marcharon las gaviotas,

esas que dan tanto juego,

a una colinas remotas,

descuida, ya vendrán luego.

Desde lo alto del faro,

vislumbro una sutil barca,

allí el sagaz con descaro,

al inocente, lo embarca.

Absortos en la rutina,

 partieron con rumbo al trópico,

si bien, uno se imagina,

que se anclarán en el tópico.

L'amigu de Químiques.

     De la que me caltuvi n’Económiques, tuvi un bon amigu de Químiques al que-y perdí la buelga. Foi de magar qu’aconceyáramos nuna carrera universitaria, na que por culpa de la so estaya-y debieron llantar un númberu atómicu nel dorsal y españaría per cualquier requexu ensin dexar xaceda.