A la gueta’l cielu,
Carriquín de Dios;
ellí va’l mio güelu
curiando de nós.
Cucando no prietu,
Carriquín del Rei,
agüeya’l to nietu;
rellumu, prendéi.
El rayu de lluna,
pela nueche escura,
cola cara bruna
y nidia veyura.
A l’Arcu la Vieya,
posáu nel teyáu;
al verde que mueya,
bañando’l segáu.
Lluceru del Alba
canta la tonada;
a la tierra ralba,
al futir, la fada.
Cola xornalera
fasta la seronda,
al campu da-y xera
y semiente abonda.
A la chisba’l norte,
dende la carril
que sal de la corte,
al llau del pretil.
A la gueta’l cielu,
al riscar el día;
el sol torga’l xelu,
retueya la ería.
No hay comentarios:
Publicar un comentario