Pa las muyeres del Cuartu la Riera

POR FILAR FINO

Quixo un rapaz filar, filar tan finu, 

que casóu con muyer yá filadora,

refugóu cortexar tosquiladora,

nun-y valiera flor al cucar !!inu.

Nun-y petóu l’añada d’esi vinu;
d’igual mena, pasóu la !!avadora,

nun desenguedeyóu escarpenadora,

anoxando cardar por falta-y tinu.

Pero’l filu fendéu cola fusada,

enantes de torcer ya iguar duviellos,

yá-y taba engañando a la casada

con moza qu’afayaba verdes güeyos,

poro, topóu la casa bien trancada

ya nel corral, en sobre, los aniellos.

Dir pegala a los vieyos

 ye texer un calcañu con garrote,

alvierte col envís esti estrambote.