Don Euxeniu

     Ayeri suañé con una clas maxistral del mio antiguu profesor de llingua y lliteratura mientres el bachiller. Lu mató’l tabacu enantes de que me decatara de lu munchu que-y estimaba a él y de lu que sedría quien a envalorar la so asignatura. Pero los nuevos nun garren dalgunes coses fasta que nun se-yos dan a entender los años y les muses nun s’averen a los que nun-yos quieren. Alcuérdome d’acordies qu’enantes d’espertar-y propunxi entamar clases de cantu y solféu, que nos taben torgaes a los neños por culpa de que nos empobinaben nesi tiempu al ximnasiu de la OXE. A lo cabero, me prestaría qu’esti maestru algamara a sentir los poemes que puedo componer agora, de secute y ensin necesidá de comprobar métrica nin númberu de sílabes; sicasí, la vida bien de vegaes nun da una segunda oportunidá. Magar d’ello, güei escribayo estes llinies na memoria de don Euxeniu. Yo tamién-y aprecio.