La mio versión espurrida de “La Danza”:
Dicen que yo t'invento
la mio llingua milenaria,
como’l que s'inventa un cuentu
o compón una plegaria.
Dicen que la voz perpura
de los vaqueiros d'alzada
calla n’ayén de tristura
al baxar cola brañada.
Que’l guapu verdor d'Asturies
xorrez con flor
castellana,
qu’arrequexa ente penuries
a la mio llingua galana.
Nestos montes, nestos valles
de los que yes una ayalga
cutiéronte pa que calles
ya esti poema nun valga.
Dicen que yo la invento
la llingua que falo ufanu,
porque nun–yos represento
y me tachen d’aldeanu.
Dicen que yo te creo
cuando te saco de casa,
espardiéndote d’abéu
denunciando lu que pasa.
¡Yá valió de tanta torga!
glaya a tol mundiu'l mio versu,
anguaño ya escontra forga
sabrá d’ella l’universu.
No hay comentarios:
Publicar un comentario