Tamos nun tris de rematar la más repunante
temporada de primavera branu que recuerdo y nun falo talamente de moda. Foi una
dómina de zarru y mazcaritu. De traxedies ya engañifes. Una escomunal llaceria
de la que s’escaeció’l so orixe y namái remanecen en maxín partíos de fútbol y
manifestamientos. Onde pa finar tola culpa paecen tenela aquellos que viven en
Madrid, sían aboríxenes o foriatos. Na qu'al salir de vacaciones a otres autonomíes
el refugu te facía sentir culpable dafechu. Mientres s’aneciaba en mercar nos
comercios de los chinos (tan célebres ellos) o los mesmos italianos circulaben tan
bonamente pel metro de la Villa y Corte en plena pandemia. Sí, faíente sentir
tan raru como un llagartu mariellu, magar que tu –ayén
a toa xera bacteriolóxica− nin siquiera comieras esperteyos, ratos, culiebres o
pangolinos. Yeres culpable nel to propio país y les miraes de regüeyu espetábense
nel to llombu. Mentanto, esos mesmos comecoraes ríen les ocurrencies de la
montonera escelebraos qu’estaferiaben de folixa ensin llantar mázcaru nin bozu
dalgún.
Poesíes, cuentos y rellatos curtios n’asturianu qu’asoleyo davezu sofitando la nuesa llingua.
Lluis de Turiellos
Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)
lunes, 7 de septiembre de 2020
Culpable
Suscribirse a:
Enviar comentarios (Atom)
No hay comentarios:
Publicar un comentario