Enxamás supi onde coime s’allugaba aquel tinteru baxu’l que vivíen un
par de ratos que naquella dómina pidíen les vacaciones al maestru. Corríen
adulces y arrémente los caberos años del deceniu de los 50 del pasáu sieglu,
mui bien enantes de la que dempués cristianaron como Década Prodixosa, y tol
saber del mundiu atopábamoslu na enciclopedia Dalmáu Carles. Na so terria
portada, una pareya de coloríos guah.es diben camudando de grau y de posición
azorronando les sos ñegres fueyes interiores, magar que na nuesa escuela nun
viéramos guah.a nenguna. Nunca algamé a saber por aciu de daqué o de daquién el
mio vecín, Xabel, nun viniera a aquel colexu, llibrando de les mancadures de
tercer grau que solmenaba don Fidel. Tampoco, la causa de qu’estes foran
homónimes a les categoríes de les cartiyes. D’igual miente y mientres aquellos
años, el porqué de que Nando me marmullara que’l padre del docente yera roxu y
que yo atribuyía al tonu talamente colloráu de la so cara. Sí, daquella, yo m’entrugaba
munches coses –que
nun s’alcontraben na Dalmáu Carles−,
tantes que nun van caber nesti rellatu tan curtiu.
Poesíes, cuentos y rellatos curtios n’asturianu qu’asoleyo davezu sofitando la nuesa llingua.
Lluis de Turiellos
Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)
jueves, 17 de junio de 2021
Na Dalmáu Carles
Suscribirse a:
Enviar comentarios (Atom)
No hay comentarios:
Publicar un comentario