...Otra vegada cola fechoría los análisis de sangre y aina'l
d’orín. Fíltrienme de nuevu pa probar: la buscapina, el diclofenaco y les otres
melecines col mesmo resultáu, nun me calmen un res. Tienen qu’añader un opiaceu
y, nuna media hora, entamo a alitar. Un par d’hores dempués, la mesma mélicu
moza del día pasáu, m’espeta: “güei sí-y vamos faer la ecografía poro se ta
dañando'l reñón”. Treslládenme a Rayos y depués de moyame’l banduyu’l radiólogu
m’esclaria que nun se pue cucar la vexiga yá que ta ensin líquidu. Y-retruco lo
que yá tien que saber enforma y nun igüen, que ye porque enantes me mandaron
mexar pal análisis d'orina. Nun me respuende nada y m’aporten pa onde taba.
Tres hores después, la mio muyer se decata de que m’escaecieron na sala y lo
comunica a la especialista que vien riendo y, de secute, m'unvia pa casa ensin
saber tovía onde ta'l morillu nin que tamañu tien. Nel informe anecian cola trola de la meyoría namái alministrar los analxésicos y amiesten de xuiciu clínicu: CRU con
nefrolitiasis en reñón. El plan ye la observación casariega “¿por quién?”, tremadol “¿pa
tremar?” y que, si empeoro, torne a Urxencies “¿pa qué?”, que'l vienres-y toca
a ella guardia talamente...
No hay comentarios:
Publicar un comentario