N' ASTURIANU

DEPRENDE ASTURIANU

Los principales ALVERBIOS DE TIEMPU tienen estes formes:
abenayá, agora, aína, amunchisimayá, anguaño, antaño, anteayeri, antes, anueche, anueite, ayeri, bastantina, ceo, cuando, cuantagüéi, cuantayá ~ acuantayá, cuantisimayá, dacuando, dacuanto, dapoco, daquella, depués ~ dempués, enagora, enaína, enantes, endagora, entá, entóncenes, entós, entovía, enxamás, güei, inda ~ ainda, llueu, mañana, mentanto, nunca, sero, siempre, ta, tarde, tovía, yá, etc.

EL TRASGU DE ROZADIEL.LA ©

(Soleya Educastur)

Cuntóme’l más vieyu’l !!ugar, que-y cuntara’l so güelu, qu’hubo un trasgu en Rozadie!!a tan enredador que yera dañible “a estaya”; ya la xente moradora del palaciu, malagustu, tuvo que marchar.

Taba iguada la recua: El carru bien amarráu colos !!ongueros; les vaques, empareyaes “a la cuarta”; los machos cargaos “en ringla”, los xatos, engolaos, ya la cacía empaquetada mui curioso; cuando l’amu cayó na cuenta de que-y faltara la pota más guapa. Entrugó a la so muyer ya nun sabía nada. Agueyó p’atrás, pa l'asitenta, ya ésta aldericara que nin siquiera la viera; los nenos, a!!ugaos a la so vera, tampoco...

Aina, daquién que montaba’l postrer pollín, dio una berrida: ─¡Nun vos ocupéis de la pota, que !!évola yo! (¡YERA’L CAFIANTE TRASGU, QUÉ COLABA CON EL.LOS!).


Pindesierra

¡TERRÉN YA SOVENCIONES PA CHINOS!

LNE / 23 de marzo de 2009

Asturias, puerta de entrada para el comercio chino

El Principado ofreció hoy "disponibilidad de terrenos, incentivos y subsidios" a las empresas chinas que quieran instalarse en la región

Asturias quiere situarse como primera puerta de entrada de las mercancías de China en Europa y para ello ofreció hoy en la ciudad de Shanghai "disponibilidad de terrenos, incentivos y subsidios" a las empresas chinas que quieran instalarse en el Principado.

N’ALCORDANZA’L CABREIRU

Fai cuasimente trenta años d'aquel día d’iviernu en que yo pasara al debalu pola carretera Cangas y agüeyara un pastor a la so vera que diba camín de Tuña ya disviéme p’a!!ugalu ei!!í. Tres dexar al so can empeguñáu a la guiada, xubió al mio coche y entamó a falar de que l’animal nun marcharía pos guariaba’l bárganu, de que diba pala prueba un traxe que-y taba iguando’l xastre, ya de que tuviera una vegada en Madrid, ya de que yera abondo guapu, sobre manera'l Paséu la Florida, sicasí, él, prefería Tuña.

Taba ablucáu cola so charla cuando, adulces, !!egamos al dempués pueblu exemplar. Baxamos, ya entramos nun comerciu au taba l'alfayate qu’asoleyaba'l traxe pa que lu probare'l cabreru, lo que fixo de secute. Entrugó-y aquel que si-y prestaba, pero nun recibió rempuesta del pastor que paecía anoxáu. Nel intre, entendí'l porqué: ¡La xaqueta inda taba col filván! Tornando la risa despliqué al mio nueu amigu que'l filu arrancaríenlu dempués.

Más ufanu que contentu, achucó a la revolada nel asientu fasta que baxó na mesma cruz au lu recoyera enantes. El perru siguía acoricando la vara ya non ensin afalagalu, asestié un candial abrazu al cabreiru, al que nun volviera a ver enxamás.

Escribayo esto na to alcordanza. Onde quiera que teas, manín, nun te escaezo.

Pindesierra

¡VAMOS MORRER AFOGAOS!

Un incendio en Química del Nalón genera una nube tóxica

Orden de confinamiento para la población de Trubia, Godos, Sograndio, Las Caldas y San Juan de Priorio.

¡ESCUSÁIME!

(cadenadial)

Escusáime, tenía l’envís d’ asoleyar nel mio blog, dacuando en vez, poemes de los qu’escribayo nes revistes; sicasí, al sentir como Facebook arregañaba’l canil pa garrar en propiedá tou l’espublizáu, magar qu’echase p’atrás ante los alderiques qu’atropó, dame pola gana desaniciar esi procuru pos nun pies!!an la posibilidá de tornar a cafiar.

D’otra miente, p’amenorgar la mancadura a collacios ya siguidores, apúrrovos la siguiente direición onde topareis delles poesíes de mio en castellán. Nun quita lo cabero’l siguir espublizando dalguna caxigalina como “Pimpiruladas de Pin”.

Perdonadme, tenía el deseo de mostrar en mi blog, de vez en cuando, poemas de los que escribo en las revistas; no obstante, al oír como Facebook daba a entender que quería tomar en propiedad todo lo publicado, aunque se echase para atrás ante las protestas que acumuló, creo conveniente anular esa intención pues no cierran la posibilidad de volver a fastidiar.

En otro orden de cosas, para aminorar el daño causado a compañeros y seguidores, os proporciono la siguiente dirección donde encontraréis algunas de mis poesías en castellano. Lo citado anteriormente no impedirá el seguir publicando algún asuntillo como “Pimpiruladas de Pin”.


http://www.revistaservitodo.es/

calcar:

- ENTRAR

- Secciones

- Jugando con Poemas


Un candial abrazu,

Pindesierra