Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

sábado, 29 de diciembre de 2012

Vas por agua (cantar)


Vas por agua, vas por agua,
a mercar al Alimerka,
valte más del Aconcagua,
teniendo la fonte cerca.

Cuenten qu'al alborecer,
mientres dormi la quintana,
el galán del to querer,
escapó con una xana.

Sosa temprana,
y que nun yes tu,
l’amante xana,
l’amante xana.

Yes la reina de les flores,
yes el sol de la mañana,
la qu’aventes los amores,
por tener papu de rana.

Cuenten qu’al alborecer,
mientres dormi la quintana,
el galán del to querer
se marchó per Cabruñana.

¡Di qué sabes tu!,
¡di qué sabes tu!

sábado, 15 de diciembre de 2012

A tola parentela y collacios: ¡Alitái col nuevu añu y prestosa Navidá!


Nun voi montar nacimientu
precintaron el portal,
pesllólu l’ayuntamientu
y echó al paru al personal.

Los romanos se marcharon,
dimiten  col so ministru,
los reyes seique emigraron,
nun hai d’oru suministru.

Cuido que'l güe y la mula,
 nun moraron nesa casa,
pos la tradición recula
y espáchalos al Fogasa.

Tampoco llantaré abetu,
 yá qu'al xubir tantu l'IVA,
 ensin un res de respetu,
 la cuenta sal escesiva..

Nun cantaré villancicos,
 pola Sociedá d'Autores,
si das colos sos focicos,
 son los tos acreedores.

Nun pienso brindar con cava,
que lu sepa Arturo Más,
a quien arriendes socava,
 nun-y mercaré enxamás.

Nesta crisis que ye abismu
y con tantu llaín retayu,
amenorguen l’alcoholismu,
pero fiéndete de cuayu,

Sabotiaes les pensiones
de tolos güelos y güeles,
 yá nun papen polvorones,
 namái coles de Bruseles.

Sicasí la llotería,
escurque toca la torna,
 al nun xugar esi día,
hai que lu tomar con sorna.

En tientes de tanto dañu,
deséote, de verdá,
alitar col nuevu añu
y prestosa Navidá.

jueves, 13 de diciembre de 2012

Sobro'l neñu Messi...




¿Qué tiempu tien el neñu Messi?


Va pa mes...s... y  mediu.

domingo, 9 de diciembre de 2012

Versu y llingua


     Soi un poema amestáu d’occidental y normativu pa que tol mundiu m’entienda. Amuésame al que se ría de la nuesa llingua...


El mio versu ta nas murias,
esguilando la pasera,
nos praos verdes d’Asturias,
espardíu na fastera.

Na solombra las facinas,
amestáu al tou maxín,
na fondura d’Argancinas
o nel picu Brañasín.

Acoricando nel duelu,
tanto en branu como iviernu,
acolumbrando nel Puelu,
o pela ponte l’Infiernu.

Na túa vera, al tou costazu,
anque quiciás nun lu sientas,
arriendes, nel tou pigazu,
nel escuru, seique a tientas.

Cola nublina en payares,
cola rosada d’avientu,
nel pisu de los pinares,
nel afalagu del vientu.

Ta per ayuri que vas,
ensuchando la túa pena,
igual ta per Santarvás,
qu’alluendi, na Madalena.

Cola nidia nieve blanca,
adulces, cola nortiada,
en La Silva o en Oubanca,
nel payar o na tenada.

Ta nel riscar qu’esperteya,
baxo’l llucerín del alba,
nel cabu l’arcu la vieya,
cuando dixebra’l sou malva.

Ta na fonte, ta en corral,
nas vuesas mesmas embuezas,
ta conmigo nel cumal,
pa que tu nun m’escaezas.

Soi esa llingua asturiana,
que unos quieren refugar,
tan prestosa, tan galana,
la que debes de falar.

martes, 4 de diciembre de 2012

El Tangu del fin del mundiu



     Pa que llueu nun diga Tere y dalgunu más que namái espublizo nos mios blogues en asturianu, perbaxo amiesto “El Tangu del fin del mundiu”, que ye’l Tangu del XXI, en castellán. Yá podéis baillar la tarrala y esconxurar...

Semejante a la milonga,
hostigándome el yeyuno,
me han pedido que componga,
el Tango del Veintiuno...


EL TANGO del VENTIUNO

Siglo veinte, cambalache,
problemático y febril,
desprendiste del remache,
cuando terminó el dos mil.

Veintiuno de odisea
y de crisis galopante,
baila el tango, la más fea,
y la pisa el ignorante.

Esta tierra del espacio
sigue siendo porquería,
aquí roba hasta el batracio,
es el son de cada día.

Con el burro, más pollino,
y el derecho, estafador,
consumando el desatino
lo parejo ahora es peor.

Maquiavelo hoy es alcalde,
recomienda hacer el mal,
el delito va de balde,
de imperativo legal.

El que pueda que la goce,
y sosiegue el furibundo,
que ya llega el 2012
y se nos acaba el mundo.

Baila el tango en el boliche,
en el bar o discoteca,
quizá sirva de  fetiche,
soslayando la jaqueca.

Déjate de madreselvas,
yira, yira a media luz,
que las ciudades son selvas
y esta vida es una cruz.

El Tango del Veintiuno,
es una danza abnegada,
que la baile hasta el moruno,
ya que el veinte quedó en nada. 

miércoles, 28 de noviembre de 2012

Esclariando'l destín



     Ayeri tuvi cucando nel "Facebook" una parolada que tuviera'l mio amigu David Rivas con una xoven nun tren. Algo asina me pasara a min, güei mesmo; sicasí, yo nun garré’l so corréu por culpa de la edá y de que la muyer tienme prohibíu falar con moces prestoses...

     Asentóse a la mio vera una moza foriata roxa y mui curiosa nel cercanies, camín de Cantublancu-Universidá, de la que diba a ver a la mio tía al asilu y tuvo falando conmigo un bon cachu. Chapurriaba un plizcu castellán y ¡nada d’asturianu! De magar que me llevanté, cuando algamábamos esa estación, la rapaza entrugóme qué si diba "here", a lo que yo-y retruqué: non, nun voi tan lloñe, voi quedar equí.

(Toi llantando ente comines dalgunes pallabres foriates, que debíen dir en cursiva, por culpa de que'l blogue espublízame too con esi tipu)

lunes, 26 de noviembre de 2012

Pal fin del mundiu


 


     LOS ESPERTOS SOFITEN AL PRINCIPÁU Y RECLAMEN TRÁFICU MISTU PA LA VARIANTE... 

 

...Fomentu afirma —anguaño—  que la so intención ye que la Variante, entamará'l so serviciu a finales de 2014...

 

LNE (güei, 26 de payares)


El trayectu ente Uviéu y Madrid va ser de 3 hores en 2013, según Trevín.

( LNE, 5 d’abril de 2011)

“El viaxe en tren Madrid-Asturies, en tres hores dende finales de 2012, asegura Blanco”

(LNE, 24.10.2011)


      Nun vos enfotéis nin calezáis cola tema la Variante. Cada añu que pasa, retrasen el ramu; d’esta miente, toi bien seguru que va llegar el fin del mundiu enantes de que la inauguren.

     ¡Esto nun ye alta velocidá nin velocidá alta, David, ésto ta praúticamente paráu! Vamos morrer llantando la media hora en Llión cola bocona abierta y ensin que furrule’l furacu.


#2
 - Pindesierra el día 26-11-2012 a las 12:44:42

jueves, 22 de noviembre de 2012

Peles orielles del Cubia

(Dende la mio galería)


Peles orielles del Cubia,
púnxime a contar un día,
les gotes que tien la lluvia,
pero vi que nun podía.

Aneciaron los minutos,
aporfiando les hores,
mentanto alitaben frutos,
diben cayendo les flores.

A la vera de la ponte,
non mui lloñe del banzáu,
tonaba escontra del monte,
mientres taba arrequexáu.

Esa tona afayadiza,
traíame los perdones,
d’una fiesta vaqueiriza,
de mui bien cerca d’Ayones.

Españando pelos cuetos,
emburriando l’airiquín,
el de xaldos y marnuetos,
que ye idénticu a la fin.

Seique’l rayu pon ardura,
seique calez a les nubes,
cola color de debura,
rescampla de la que xubes.

La campa viste de verde,
la tarde’l so mantu gris,
col ruxerrux que nun pierde,
el cantu d’esti país.

Agua, viesca, mar y vientu
d’esti benditu terrén,
col futuru en movimientu,
y alcordances a mamplén.

Peles orielles del Cubia,
encamiento al mio paisanu:
 la meyor tierra, ensin dubia,
ye’l nuesu campu asturianu.

Pindesierra

lunes, 19 de noviembre de 2012

Ente hermanos



     Ye persabíu lu bien que furrula l’Alministración equí en Madrid. Anguaño, pa fomentar el contautu col vecín y sacar partíu a la enerxía fedo-térmica, amenorgaron el númberu de trenes del metru. Asina, tolos díes, afalágase daquién que nun garra l’ameyoramientu. Güei, ensin dir más lloñe, de la qu'algamáramos una de les estaciones, otru viaxeru m’aldericó: “Si nun dexamos pasar, nun circulamos, hermanu”. A lo que yo-y retruqué: “Voi p’aquel requexu pa dexar pasar y pa que circules, hermanu prior”. Seique nun-y prestó lu que-y camenté porque siguía reburdiando pel andén. En magar que me decatara-y amesté: “D’esa miente nun vas iguar nada, Gárgamel; tienes qu’apurrir una epístola a la direición de la congregación”.

miércoles, 14 de noviembre de 2012

Así es Asturias


    “Así es Asturias” ye la cabera película que vieron xuntos los mios pais. Facía muitos años que nun pisaran un cine, sicasí'l reclamu foi'l nome d’Asturias tando morando llonxe d’ella. Porque, daquella, nun ye qu’Asturias tuviera a más distancia de Madrid que güei, non, ye que'l tren tardaba tola nuoite en llegar a Uviéu ya llueu había que garrar l’Alsa fasta Tinéu. Inda dempués, outru fasta Xera, San Fliz o Casa Dios. ¿Quien diba dicime que col tiempu’l sou direutor ya guionista Xuan Antón Cabezas diba ser un bon amigu míu?; d’él acorico dellos llibros que me dedicara: “La Montaña Rebelde”, “Asturias, bibliografía de una región”, “Diccionario de Madrid”, “Asturias, catorce meses de guerra civil”... Él yá marchóu, de la mesma mena que los mios pais, pero las súas obras téolas acoricadas en dalgún requexu; arriendes que, las alcordanzas anden afayadas na célebre “memoria celular” del mio maxín.

martes, 6 de noviembre de 2012

Cavilgar


     Habrá una selmana que llamé dende casa al mio númberu de teléfonu y taba comunicando. De xuru que foi un descuidu; pero, si algamara a coneutar, quiciabes entamara a falar conmigo mesmu, lu que diba permitime cavilgar.

martes, 30 de octubre de 2012

El rayu qu'anecia



El rayu qu’anecia


...Vas posar na figar de la mio era:
pelos arrecendores de les flores
esnalará la to alma truebanera

d'anxelicales ceres y llabores.
P’allugar al arrullu de les rexes
de dellos namoraos llabradores.

A allegrar la solombra de les ceyes,
la to sangre acompaña a cada llau
dixebra la to moza y les abeyes.

El to corazón nidiu yá frañáu,
glaya a un campu de peres burbuyoses
la mio afanosa voz de namoráu.

A les alaes almes de les roses
de la peral de nata, torna al ñeru,
que tenemos falar de munches coses,
compañeru del alma, compañeru.

lunes, 29 de octubre de 2012

L'Aurora (cantar)


Yo nun sé si m'asocederá,
suaños que se faigan realidá,
como’l que güei teo nel mio corazón llatente,
dende que tá.

Pueque ésti remanecerá,
sueño que se faiga realidá,
como los que toi
dibuxando pelos mios cantares,
y, yá que tán, nun dexaré
de soñar un plizcu más.

Será, será l'aurora,
será, será asina,
como pasiar, como respirar un nuevu arume
ya aínda más,
y tu, y tu, la mio vida,
verás que ceo tornarás
a estes manes que se dan.

Y, si algama too a camudar,
seliquina contorna amosará,
sentiéstilo enforma bien,
pueque haya nuevos horizontes,
¿sabes por qué, sabes por qué,
nun dexaré de soñar un plizcu más,
una y otra vez?

Nun muerren nunca les coses si tan en ti,
(una y otra vez)
si lu creyisti una vez, tu podrás siguir,
(una y otra vez)
si lu creyisti en serio,
como lu creyera yo.

Será, será l'aurora,
será, será asina,
será la claridá qu'asoma,
una inmensa lluz vendrá.


lunes, 22 de octubre de 2012

Turismo en Tuña

     ¡Norabona pol cumpleaños ya tenéi bona andecha pal 29!

     Pa ufiertar variedá ya pa que lu entiendan los foriatos, amiéstovos “Turismu en Tuña” (en castellán)...


Si quieres hacer turismo,
profundamente rural,
muy próximo al paroxismo,
ven a Tuña capital

del Cuarto de la Riera,
al sureste de Tineo,
del Narcea, a la ribera,
de “finde” o de veraneo.

Apenas verás cien casas,
mas ofertan dos hoteles;
son forestales, las masas,
celestiales, los vergeles.

Donde el bosque se hace el amo,
donde penetra en los ríos,
donde el edén es reclamo
y armonizan caseríos.

Podrás apreciar la historia
en sus diversos palacios,
te sentirás en la gloria
por estos verdes espacios.

El dolmen de Merillés,
la Fana de Genestaza,
las rutas, los tentempiés
con sabroso pan de hogaza.

Nuestras fiestas populares,
el Festival de la Lana,
la magia de estos lugares,
la pétrea estela romana.

La rica fauna y la flora,
los montes, prados y fuentes,
la tradición que enamora,
sus encantadoras gentes.

Donde vivir es un juego,
entre el hórreo y la panera;
cuna del general Riego,
es el Cuarto de la Riera.

Advertir para acabar,
que Tuña causa adicción,
electo pueblo ejemplar,
te robará el corazón.


Pindesierra

martes, 16 de octubre de 2012

El Plizcu de Milín


     Milín foi a Uviéu pa mercar un par de décimos de Llotería de Navidá y, de la que-y taba atendiendo una moza mui curiosa, l’ama l’alministración, que-y andaba escucando, camentó-y:

—¡A ver si garra un bon plizcu!

     Escapao, Milín, que trabucara l’envís, pegó-y un bon plizcu nuna nalga a la nueva, que-y empobinó una gran manovuelta. De magar que foi quien a arrancar, el magüetu, anoxáu dafechamente, aldericó:

—Pónganse d’alcuerdo y andechen colos plizcos, que si non van a aventar a tolos sos veceros.

jueves, 4 de octubre de 2012

ROSARIU



Dexasti Mieldes un día
ya enxamás tornasti ei!!í,
adiós casa, adiós !!ouría,
nun vos olvidéis de mi.

Que más val tirar p’alantre,
que tar morando en precariu,
asina en pelo del diantre,
colóu pa Madrid, Rosariu.

Adiós fana Xinestaza,
ya esi paraxe tan bellu,
quedóu l’alma nesa faza,
encantada en Tabladiellu.

Col mozu de la Riera,
marchasti a la capital,
caltuvisti a la súa vera,
a la vera de Vital.

Con María y Jesusina
entamasti l’amistá,
pa distrayer la morrina,
tan llonxe de la túa ma.

Ensin escaecer un nome,
fonon pasando los años,
agora morréu’l tou home,
pero non los desengaños.

Al escabezar el sueñu,
aínda pelos Madriles,
repasas dende Deigüeñu
fasta’l regueiru Porciles.

Vas andando esi camín,
que crucia pa Becerrales,
vas xubiendo a Brañasín,
glayando colos chavales.

Ansí matas la enganía
de volver per San Bartuelu,
pueque tornes dalgún día,
pa esi benditu suelu.

(Dedicada a Mercedes Rey Arnaldo)

miércoles, 26 de septiembre de 2012

IDEAS a esgaya


     Los primeros días d’agostu tuviéramos n’Asturias ya de magar que pelas mañanas díbamos de marcha, de sablera, o a visitar la parentela, pela nuoite colábamos a correla pelas romerías. El día 1 trespandamos pala Caridá a Navelgas y ei!!í actuaba'l grupu IDEAS. El día 2 andamos de folixa en Bayu, bei!!ando col grupu IDEAS. El día 3 cucamos per Santa Rosa al grupu IDEAS en Barréu. El día 4 sentimos al grupu IDEAS nel Rubial. El 5 allugámosnos pa Santuyanu nes Regueres ya tocaban los del grupu IDEAS. El día 6 topamos per casualidá al grupu IDEAS en La Peral d'Illas. El día 7 fuimos a las verbenas de San Salvador y San Matías en Naraval au cantaban los del tríu IDEAS. El día 8 xordiamos en Las Murias col grupu IDEAS. El día 9 nos averamos a Llanéu onde festexaban San Llorienzu col grupu IDEAS. En San Román de Candamu agüeyamos que tamién taban de fiesta'l día 10 ya, de la que !!egamos, sonaba'l grupu IDEAS. Asina que seique tornamos pa Madrid con un finxu’l cielu d'ideas muito más esparcíu.

jueves, 20 de septiembre de 2012

Al Avellano a La Puela (cantar)



Fui al Avellano a La Puela,
amores troxi d’eillí,
you quixi a una polesina
ya ella nun me quixo a mi.

Ella nun me quixo a mi,
ya d’outru se namoróu
ya agora andase enterando
en que coime enriedo you.

En que coime enriedo you,
ye cenciellu de saber,
toi tol día escribayando
por una mala muyer.

Por una mala muyer,
encorriáu nuna prisión,
prindáronme hasta’l xacer,
como si fuera un lladrón.

Ya nun voi más a La Puela,
pa nun ver la polesina,
que manca más qu’una muela,
ya fiende como una pina.


miércoles, 12 de septiembre de 2012

Soneto al Toro de la Vega




                     Ayer no se pudo evitar lo inevitable, quizás mañana adquieran conciencia...

                    Concluyó la concentración de Callao contra el suplicio del Toro de la Vega, en tanto que una mujer, inmóvil, lloraba de impotencia...


Es la España varada en el pasado
de bestias que torturan cada día
de ferias y barbarie en tropelía
por vegas que desangran al astado.

Por humanas hormigas lanceado
que lo hostigan por miles en jauría,
impidiendo escapar de la agonía
que sufre el inocente horrorizado.

La España que sonroja las mejillas
hoy reincide de nuevo en el abuso,
la España que procura pesadillas

se aferra a un cruel martirio que en desuso,
deshonra la conciencia en Tordesillas,
obviando la razón, el fiero obtuso.

martes, 4 de septiembre de 2012

CONTADOR


Sres. de GAS NATURAL – FENOSA:


     Hoy, 4-09-2012, leo con perplejidad en su carta fechada el ppdo. 28 de agosto que acabo de recibir...

      “Durante los 2 últimos años usted nos ha facilitado la lectura por los canales habilitados al respecto (Cartel, teléfono, web GasNaturalFenosa u otros medios) pero no disponemos de dicha lectura real...

      Es por este motivo que le informamos que hemos habilitado un nuevo canal para que usted pueda enviarnos la lectura real de su contador enviándonos una foto de su contador (sic) a la dirección de correo electrónico...

      Si tiene cualquier duda también puede llamarnos al teléfono de GasNaturalFenosa, 902.314.316 de lunes a viernes, de 8 a 20 h.”

      Tras adelantarles que nos tienen contentos a los usuarios con sus impuestas y reiteradas subidas, les aclaro que mi domicilio no es un estudio fotográfico. Como quiera que en ningún momento se les ha impedido la entrada para que pudiesen corroborar lo que Vdes. llaman “lectura real” y puesto que no tengo ningún interés en seguirles avanzando dicha lectura, en lo sucesivo pueden ustedes comprobarla personalmente o trasladar el contador donde les plazca; no obstante, si se obstinan en que les remita una fotografía, pueden costearme una cámara fotográfica para poder tomarla, así como un curso de informática para instruirme apropiadamente en el modo de enviársela.

     Por otra parte, precisarles que no considero operativo su teléfono 902 que me ofrecen para resolver mis dudas; dado que, con la que está cayendo, me resulta inmoral llamar tanto a ese tipo de teléfonos como a los denominados eróticos.
     
     Finalizo dándome por enterado de su agradecimiento por mi colaboración, añadiendo que yo también aprovecho la ocasión para saludarles muy atentamente,


Fdo.: José Rodríguez Pérez

martes, 28 de agosto de 2012

La Gaita


De la sala nel requexu escuru,
del so amu quicias escaecida,
silenciosa y cubierta povisa,
cucabes la gaita.

¡Cuánta nota dormía en roncón,
como'l páxaru duerme na caña,
esperando la mano de ñeve,
que sabe ensalmala!

¡Ai, -pensé-, cuántes veces el xeniu
apingaya no fonderu l'alma
y una voz, en San Lázaru, aguarda
que-y diga: "Llevántate y anda"!

lunes, 20 de agosto de 2012

P'AMBÁS ya TUENDA


Ye la voz del informante,
ye la voz de los cantares,
como él, nun hai quien cante,
célebre en tolos llugares.

Afamáu pol so nomatu,
per cualquier pueblu que vas,
lu conoz hasta’l más fatu,
de xuru, falo d’Ambás.

Lu mesmo toca’l panderu
que presenta un festival,
si cuadra, fai de gaiteru,
esti rapaz ye mundial.

Defensor del asturianu,
la llingua d’un gran país,
la que fala mui ufanu,
la que sintiera’l malvís.

Iguó un archivu sonoru
de vezos y de cultura,
que tien más valir que l'oru,
la tradición ye bayura.

Mas, va pruyime la güenda
y quiciás m’arderá l’untu,
si nun vos falo de Tuenda,
los mozos del so conxuntu.

Con Pepín de Muñalén
y con Elías García,
vais pasalu enforma bien,
son la sele melodía.

Asina, al cabu y al fin,
dedico esti cuentu a Ambás,
pa qu'aporfie nel Camín,
deprendiendo los demás.


                                                                      Pindesierra

martes, 14 de agosto de 2012

Xixón



     Xixón, siempres Xixón, espluma de mar y sidra arrodiando Cimavilla, volcán qu'arrama la so llapada d'allegría sobre les cais. Escribayo a la vera la sabla’l Poniente trés un esguetu recibu del Palaciu Merás qu'atopé nel mio bolsu. Allúgome nun afayadizu bancu au espero a la mio parentela que ta sintiendo a Chenoa. Pasien vieyos, mozos y nuevos; paisanos y foriatos. Delles moces baillen al son de la bulla que remanez y esbarien la so guapura. Un rapazu anecia al altu la lleva que ta llantao xunto a la escalera 7. Una pareya asitia a manzorga y cúcame de regüeyu. El vientu afalaga adulces y l’afamada aporfia en berrar aquende. Pela mar, restallen lluces blanques y verdines; a la escontra, la maxa de Xixón abluca. Tornen más seliquino, los que llegaron al cabu’l paséu. Les faroles duchen lluminaries que faen espeyar les sorrises. Nada manca cola gayola, los males arrequexaron nel intre. Bien seguro qu’enxamás hai que rindir cola fiesta.

martes, 24 de julio de 2012

Euromillones


Güei, 24 de xunetu, compruebo con pachorra la combinación ganadora nel sortéu nº 59 de los Euromillones. Como de costume, nun atiné con nengún númberu nin con nenguna estrella. Esto llévame a enfotame nos mios cayimientos sobre si somos una civilización iguada por otra civilización cimera y tánse quedando conmigo. Sicasí, pa nun sigui-yos enforma'l xuegu, davezu namái relleno un apueste; esto ye, los cinco númberos d'una tabla cimera y los dos pronósticos estelares d'otra tabla d’embaxo. De cutiu, ruempo'l resguardu enantes de comprobalu, de magar que la esperiencia sofítame en que nun ye precisu faelo. Amás, toi considerando cubrir el boletu y nun validalu; d'esa miente, voi corresponder a les atenciones recibíes de los nuesos supuestos guíes. D’otra mena, yo vos encamiento ser más intelixentes y tratar de llegar a dalgún tipu d’alcuerdu con ellos. El contautu podría desendolcase por tresmisión estrasensorial o, si ésta nun furrula, esponiéndolo al altu la lleva. Ye posible qu'ellos nos vixilen dende otra realidá paralela y atópense tentaos pola alianza. A lo postrero, aconséyovos que-yos ufiertéis dir a medies. Yo, pela mio parte, nun voi ser quien a intentalo yá que, si m’agüeya la mio muyer, va refertame por tar falando solo de nuevu con dalgún residencial ingresu.

martes, 17 de julio de 2012

LA METÁ DE LOS RICOS ESPAÑOLES DESAPAECEN (Na prensa de güei)


En 3 años, pasanon de 10.580 a 5.189 como contribuyentes...



     Qu’a naide se-y abulte que ser ricu ye maraviyosu. Ye verdá qu’ellos nun paguen l’IBI de los sos palacios y a ti t’aumentan la tasa 2 díxitos tolos años. Ye tamién verdá que cola cris aforran al contratar mano d’obra foriata. D’outra mena, nun dexa de ser verdá que, anque baxanon las vientas d’automóviles, las de los Porches xubienon a bogayu. Sicasí, ellos cuerren más peligru de desapaecer. Hai quien fala de que son quien a faese invisibles. Hai quien fala de que trespanden a paraísos fiscales. La mi teoría ye que somorguien al traviés de furacos de cocu —que nun son como los que faen las merucas, sinón como los de las galaxas—. Talamente, los probes tarán separtaos de la so parentela; poro, naide vaya a creyer que ser ricu ye enforma afayadizu.

martes, 10 de julio de 2012

DEPRENDI ASTURIANU


Locuciones alverbiales de mou:

A carrenderes, a cencielles, a escondidielles, a estaya, a estaya fonda, a golfaraes, a gustu, a la carrera, a la chisba, a la escontra, a la perllonga, a la rebalguina, a les clares, a les dreches, a les forcadielles, a los sos deleres, a palpu, a querer, a recaldu, a rollones, a tou meter, al altu la lleva, al bellume, al carrapotu, al debalu, a les dreches, al treslluz, d’esta miente, d’otra miente, de baldre, de mancomún, de papu, de raspión, de reflundiu, de regüeyu, de repente, de sópitu, de sutaque, de sutrucu, de volada, d’esmenu, en (a) comuña, en pendolín , en ringla, en tientes, en tropiella, mal a gustu, n’andecha, sobre manera, sobre too, etc.