Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

domingo, 17 de marzo de 2024

LA DANZA



Vamos a armar una danza,
baillen el nuevu y el vieyu,
el que quiera baxar panza,
el meirazu y el redrueyu.
¡Qué viva Grau,
qué Grau viva!
¡Qué viva Grau,
per tola vida!
Danza allegre de San Xuan,
saluden los sos cantares
a los que vienen y van
per estos guapos llugares.
Andái mozos a baillar,
nun tengáis peles paredes
y el que quiera cortexar
nun vaya triando dedes.
¡Vaya moces tan prestoses!,
¡qué melgueros, los claveles!
Elles son como les roses,
de la color de frixueles.
Un día San Xuan nací,
cuando espoxiguen les flores,
que les traigo para ti,
Xuanina de mios amores.
Perriba yá vien lloviendo,
perbaxo yá anda tonando,
magar que ta escureciendo,
siguen los mozos danzando.
Equí, na nueche San Xuan,
voi coyer la flor del agua,
nun la ufriende otru manguán
a aquella que por min nagua.
Yá ta la fonte enramada,
la fonte enramada queda,
de flores viste la estrada
y les mocines, de seda.
Cola neña del mio llau,
voi davos la despidida:
¡Viva la villa de Grau,
cola foguera prendida!
La mio morena
que nun m’aguarde
nin pase pena,
que vengo tarde.
Neña asturiana:
gracia y saleru,
la más galana
del mundiu enteru.
La mio rosina,
la más garbosa,
na Moratina,
la meyor rosa.
¡Qué viva Grau,
qué Grau viva!
¡Qué viva Grau,
per tola vida!
Publicado por en No hay comentarios:

miércoles, 31 de enero de 2024

En El Acebo

Cuando’l vinu Cangas bebo
y de velea apingayo,
m’alcuentro enriba L’Acebo
ya xunto la cruz m’afayo.
Tras cruciar Veigalapiedra
ya algamar ver el Curnión,
al xubir, el xeitu medra
ya abluques de la emoción.
De la que ves la Santina
ya escuclas la redolada,
cola sierra Serrantina,
que la topas tras Parada.
La nublina aporta velu
de Rabu d’Asnu al Cabril,
albidras que tas nel cielu
ya esnalas per Vi!!ouril.
Pel Cuetu, el Fraire y Monteiru,
a la vera de Caniechas,
tras los altos de Rogueiru,
trespandando Las Cuadrie!!as.
Dende Uviéi fasta Muniellos,
¡viva Ridera y Cibea!
Qu’esfregas siempre los güeyos
per tol valle del Narcea.
Al tornar pa Los Madriles,
nun m’esqueizo de L’Acebu
nin de Dagüeñu y Porciles,
au m’amarren con estruebu.
Puede ser una imagen de una persona y montaña
Todas las reacciones:
Menéndez Suárez Carmen, Ninfa Granda y 114 personas más

bebo
y de velea apingayo,
m’alcuentro enriba L’Acebo
ya xunto la cruz m’afayo.
Tras cruciar Veigalapiedra
ya algamar ver el Curnión,
al xubir, el xeitu medra
ya abluques de la emoción.
De la que ves la Santina
ya escuclas la redolada,
cola sierra Serrantina,
que la topas tras Parada.
La nublina aporta velu
de Rabu d’Asnu al Cabril,
albidras que tas nel cielu
ya esnalas per Vi!!ouril.
Pel Cuetu, el Fraire y Monteiru,
a la vera de Caniechas,
tras los altos de Rogueiru,
trespandando Las Cuadrie!!as.
Dende Uviéi fasta Muniellos,
¡viva Ridera y Cibea!
Qu’esfregas siempre los güeyos
per tol valle del Narcea.
Al tornar pa Los Madriles,
nun m’esqueizo de L’Acebu
nin de Dagüeñu y Porciles,
au m’amarren con estruebu.
Puede ser una imagen de una persona y montaña
Todas las reacciones:
Menéndez Suárez Carmen, Ninfa Granda y 114 personas más

Publicado por en No hay comentarios:
Suscribirse a: Entradas (Atom)