SONETU CON ESTRAMBOTE

 Imaxina que te presentes a un concursu de poesía nel que'l xuráu nun sabe lo que ye un estrambote y nin siquier lu que ye un sonetu: Entós, pa que coime te vas presentar. Asoleyo un exemplu en castellán…

Rumio la realidad como quimera,

cuentículo que fina en aforismo,

metáfora que nutre de egoísmo,

mentira que revierte en verdadera.

Sumo consciente en la época tercera,

marchito con el árbol de mí mismo,

allego inexcusable hacia el abismo

lejana lozanía en primavera.

Cubriéndose de gris la vida y cielo,

deshojando en otoño los setenta,

remedo a la floresta en paralelo.

¿Por qué sobrevivir más de la cuenta?,

sí igual que cae la hoja, cae el pelo,

sí la parca seronda se aposenta.

Aprende y escarmienta

de la falaz vivencia programada:

¡Disfruta hasta el final de la otoñada!

Van Gogh

Col arte y cola cultura,

el comerciu ye una farsa,

ya lu dixo un mediu cura,

de la pintura, comparsa.

Fasta qu’un ilumináu

un día lu emponderara,

tando Van Gogh yá fináu,

por aciu, nun s’enterara.

Foi la so vida de fame

y desengañu amorosu,

ensin ganar un certame,

col so maxín enxicosu.

Nun valieron los retratos

nin los paisaxes d’Arlés,

pente inorantes y fatos:

gandayada datraviés.

Política y publicidá

−y tasen preciu al más neciu,

lu que−y manden comprará,

yá qu'él nunca fai apreciu.

Anque regales la obra,

naide la contemplaría,

nun s’estima al que nun cobra,

envidia ya hipocresía.

¿Por qué cortasti la oreya?,

nun sabíen de pintura,

pasa güei, pasó daquella,

col arte y cola cultura.

MARCHANTES, LLAMBECULOS

YA INORANTES:

¡DIVOS A LA MIERDA!

Per Cádiz

 Como hai tiempu que nun asoleyo nengún poema en castellán, yá que tuvi per Cádiz y la so bahía que son a rescamplar tamién de nueche: equí ta l’amuesa…

Entra el mar a cubierto,

por su bahía,

entre Cádiz y el Puerto

Santa María.

Punta de San Felipe

y La Puntilla

permiten que mancipe

la maravilla.

Por Tres Caños, Levante,

Valdelagrana,

pasea deslumbrante

la gaditana.

Desde Torre Tavira,

cámara oscura,

todo Cádiz se admira,

es de locura.

Sus calles, sus iglesias,

la catedral,

procuran anelgesias,

calman el mal.

Pues de forma inmediata,

siempre deslumbra,

la Tacita de Plata,

aún en penumbra.

Porque tanto de día,

como de noche,

a su esclava bahía,

le pone broche.

La tema de los sentíos

De tocar, nada o mui pocu,

cuasi nunca con solféu,

magar canto, fiede’l mocu!,

que me presta’l “karaokéu”.

Veo abondo más que siento,

con dificultá, de cerca,

lo que nun siento, presiento,

zarapico na cabuerca.

Ando meyor del olfatu,

pero torga la mormera,

me decato bien del fatu,

güélomelu a la primera.

El gustu lo voi perdiendo,

al papar too arroxando,

el diente me va fendiendo

colos años atropando.

La tema de los sentíos

ye un asuntu delicáu,

esfreces más colos fríos

y rinches col constipáu.

Nun voi falar de la edá,

yá que nun paga la pena,

pues vivir de mocedá

escurriendo d’otra mena.

Voi gastando la esistencia,

mentanto me gasta a min,

nunca lloro, por prudencia,

río como “mister Bean”.

Todas las reacciones:

103Ninfa Granda, Alicia Polledo y 101 personas más

¡Sacái a la plataforma!

 Ensin crowdfunding nin nada,

nin sovención nin puestín,

nin siquiera pandorgada,

escribe de baldre, Pin.

De la sala, nel escuru,

frayáu por culpa la edá,

remanezo del apuru,

ayén a publicidá.

Sofitando l’asturianu,

del despreciatible, bable,

andechando col paisanu,

chingando al indeseable.

Asoleyando poemes,

amosando los relatos,

entamando con llexemes,

finando fadiando fatos.

Nun diré a la Semanona:

Vezu y llingua son cultura.

Tamos fasta la corona

de que seya la tortura.

¿Nun será delitu d’odiu?,

¿acaso nun ye un abusu?,

¿será’l próximu episodiu

enchirolar pol so usu?

¡Sacái a la plataforma!,

¡roblái escontra’l raigañu!,

¡torgái yá la llingua enforma!,

¡la inorancia nel escañu!

Todas las reacciones:

70Alicia Polledo, Isabel Servan Caro y 68 personas más

DA-Y A LA LLINGUA

 Onde la tortura ye arte,

la llingua, que ye cultura,

nun tien nin arte nin parte,

como nuna dictadura.

Nun la fala’l noble

nin el que tien el control,

¡viva, viva’l pasudoble!,

¡viva lo español!

Quieren dar a l’asturianu,

como al toru, la estocada,

que por culpa del paisanu

nun finó desaniciada.

¡Viva la plaza de El Bibio

y la música foriata!

¡Muerra llingua y toru nidiu

al son d’esa serenata!

Na quinta dimensión

Naquél bancu d’esti parque.

recarguéme ensin corriente,

garro col maxín embarque

ya esnalo pal occidente.

Qué cenciellu y que baratu,

lu que paez abegosu,

afaya ya asela un ratu,

finando mui animosu.

D’entamu, suelta tol llastre,

ye como quedase en blancu,

inora cualquier desastre,

seya de casa o del bancu.

Cuando’l palombu s’acerque

y pase pela entepierna,

ensin reparar qu’empuerque,

yá refugues la faterna.

Tas na quinta dimensión,

un estáu de conciencia,

camín de la evolución

espiritual n’esencia.

Ye’l momentu de viaxar,

ensin tarxeta CONECTA,

ensin un euru gastar,

sin droga de mala secta.

Magar que teas ausente,

vas tornar a meyor vida,

más llixeru y más consciente,

con xeitu p’atopar xida.

La texedora de Puerma

 Texedora de Puerma

texe, texe un tapíu

qu’enxamás merma,

que yo voi colar pa Cuba,

adiós texedora que torga’l fríu

sin meter xuba.

Voi alluendi de los mares,

¡ai texedora!,

pa escaecer los tos telares

porque a deshora

texes que texes

con Xandru’l galán hasta l'aurora.

Tres de cantate la parrandada,

¡ai texedora de la cardada!,

la to esparueda

dexo con dolor,

sin chal de seda

nin cobertor.

Quiera Dios qu’allalantrones

queden los de Santuyanu,

por aciu que los moscones

nun quieran alzar la mano.

Como un pisón,

soi de Grau y nun lu niego,

tamién moscón,

¡andái pel riegu!

El pintar m'importa un pitu

 El de la obra me cobra,

el de la barca m’embarca,

nun sobra daqué que sobra,

de marca’l sapu, nin marca.

Nin heredá nin heriedu,

nin sanxuanín en San Xuan,

digo Uviéu; non, Oviedu,

balandrana a balandrán.

Apenco y caltengo pencu,

probando la probitú,

nun llena’l concu’l reconcu,

voi salvando la salú.

Sele voi en soledá

pel camín de la camera,

l’atadera de la edá

desdexa la faladera.

La fama del afamáu

nun pruye na mio pruída,

nun franzo por afamiáu,

paso la vida ensin sida.

Nun me maten a menguar,

nun m’amenorga la mengua,

encoplo por encoplar,

pola llingua; non, la llengua.

Enllamargo na llamuerga,

sin qu’agabite un gabitu

nin que xiringue una xerga,

que’l pintar m’importa un pitu.

Todas las reacciones:

72Alicia Polledo, Menéndez Suárez Carmen y 70 personas más

Faltón

 ¡Llei, si sabes lleer, faltón! Porque arriendes d’inorante (nun tien conocencies de lu que ta falando) yes faltón (que trata ensin respetu). Talamente como los otros faltones, cola “f” d'una llingua que foi la oficial del reinu mientres dos sieglos y qu’amuesa nun ser dialectu: Fachendosos, fadiosos, faladeros, falambaldres, falanciosos, falancieros, faldetes, faldoteros, fálicos, falifos, faligotes, falsos, faltosos, fallaos, fallicos, fallíos, falseros, fanáticos, faltriqueros, fandangueros, fandosques, fanegueros, faniegones, fantasiosos, fañagüetos, faragayos, fardeles, farfantones, farfayes, farfullones, fargatientos, fargatones, fargayos, fariellones, fariñones, faroleros, farramplinos, farrapios, farrucos, fartones, farxoletes, farxolos, fatos, faxineros, fayaos, figures, felpeyos, feltrones, ferieros, ferraos, ferres, ferretes, ferrones, ferruñentos, ferruñosos, festeros, fexes, fiascos, fiastros, filanderos, filtrayes, finos, fisgones, fiadores, fiyascos, fiastros, flexes, floxos d'aguyes, flonderos, focetos, focicones, focicudos, fogardines, fuinos, folgazanes, folgones, folguetes, folixeros, fongosos, fónicos, foniles, foranos, foriatos, forfugues, forgaxes, foriones, forres, foscos, fosqueros, frangüesos, fresqueros, frixuelos, fuinos, fuleros, fumiacos, fungones, fuñones, furabollos, furones…

¿Son inventu: Abarca, abeduriu, argaña, árgoma, arroxu, artu, balagar, bálagu, baniella, bidul, berciu bilortu, biruéganu, borona, bouza, brenga, cachiparru, camba, cándanu, carbayu, caspiu, combayar, cotolla, cuetu, embueza, engarabecer, gamayu, gamón, gamonita, ganzu, garabatu, gárabu, garabuyu, guarar, güelga, llamera, llamuerga, llastra, matu, magüetu, touzu, toza, veiga, adobar, angazu, bandón, enaspar, escanciar, esgadañar, esparabán, espetu, esquirpia, gabitu, gabiñón, gadaña, golupa, guarecer, llata, ripia, rueca, sala, triscar…?

Nun te voi mentar pa nun endilgate más fama de la que garres caciplando, magar que curiate de lu que reburdies yá que l’odiu sí pue tar penáu con cárcel.

Todas las reacciones:

82Angeles Rodriguez Perez, Nel Anxel Gonzalez Fuentes y 80 personas más