viernes, 25 de abril de 2014

Amigos

 

     Llanté esta semeya como fondu de pantalla del mio ordenador. Nella pue vese al mio fíu y a dellos amigos. El que quiera al mio fíu ye comprensible pa toos; sicasí, el qu’aprecie al burru, al perru, a la oveya xalda y a la vaca roxa del cabu’l prau, igual pa munchos nun lu ye. Ensin embargu, vos aseguro que los valoro enforma. El mio querer ye mundial y s’esparde a otres especies, a otros seres vivientes. De resultes, quiero al burru, al perru, a la oveya xalda y a la vaca que ta a lo caberu de la semeya. Seique cuanto más miro pa ellos, más los quiero. Ye por culpa d’ello que, de la que torne p’Asturies, voi xubir al so alcuentru pa gociar de la so compañía. Amás, desplicavos que yo nun como carne porque enxamás me como a los mios amigos.

     Hai tiempu qu’escribiera'l párrafu anterior y, de la qu'a la fin diba a volver p’Asturies per Pascua, la muyer esfarrapó una pierna. En resultancia, nun sé cuando podré tornar. En reduñes, si daquién se topa colos mios amigos nesi zarru, xubiendo camín de Samartín de Gurullés, -y ruego que-ys dea alcordances y-yos diga que los estimo.

martes, 22 de abril de 2014



UNIVERSIDAD COMPLUTENSE MADRID, ACTO DEL CENTRO ASTURIANO DE MADRID COMO ENTIDAD COLABORADORA DE LA IV SEMANA COMPLUTENSE DE LAS LETRAS.

Dentro del ciclo “La Torre de Babel”, intervención de D. José Rodríguez Pérez (Pindesierra):
“Aproximación a la lengua asturiana y lectura de poemas” (Averamientu a la llingua asturiana y llectura de poemes).

Viernes 25 de abril de 2014 en la Biblioteca María Zambrano a las 10 horas.

Ciudad Universitaria. Campus de Moncloa. C/ Profesor Aranguren s/nº (Madrid).

martes, 15 de abril de 2014

AVISU


     Por si daquién de los mios collacios nun s’enterara, la muyer fendió les canielles (tibia y peroné) d’una pierna per tres sitios y el casu pinta abegosu. Ye por ello que voi dexar d’espublizar nos mios blogues, na páxina de las Vaqueiras y nel mio feisbuc per un tiempu.  Un abrazu a toos,