Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

jueves, 20 de febrero de 2014

75 cabudañu de Machado (21.2.2014).



Río Duero, río Duero,
ballesta de verso y Soria,
bañas de Castilla el cuero,
sus alamedas e historia.

Ventanal de San Saturio,
sobre tus aguas rizadas,
donde el bullicio es injurio,
y las palabras, forzadas.

Donde paseó el poeta,
donde el pedregal subía,
donde la dicha es completa
y siempre es excelso el día.

Allí el olmo es el monarca,
entre iglesias y palacios,
tótem ajeno a la parca,
el señor de estos espacios.

Es Soria pura y Numancia,
es el Duero, es el poema,
de quimeras, la alternancia,
tierra de belleza extrema.

Rio Duero, Río Duero,
eres de Soria, una alhaja,
del destino, compañero,
y de esa vida que ultraja.


miércoles, 19 de febrero de 2014

La Variante Pichote y la relatividá


Variante: Esviación (del percorríu d’una vía, d’un camín).

Variante Pichote: Se diz de la esviación nel espaciu-tiempu que sufre de contino   la Variante Payares por culpa de tanto incompetente.

El 5 de xunetu de 1997, siendo ministru de Fomentu'l popular Rafael Arias-Salgado, se licita l'estudiu informativu de la Variante de Payares, que se diseña pa tráficu mistu.

El 11 de febreru de 2004, Cascos asitia la primera pina de la Variante.

El 19 de febreru de 2014, la Variante sigue ensin furrular, les víes anubiertes d’agua y el terrén esbarrumbando. Dempués d’una montonera retrasos de los distintos gobiernos, inda güei nun saben pa cuando van poner el ramu a la Variante Pichote.



lunes, 17 de febrero de 2014

París


     De lo qu’espublizo, la metá ye cuentu; sicasí, la otra metá ye la pura verdá. Esto que voi amestar nun ye trola y lo dedico a Sonsoles, a la que-y presta munchu París (como a min), qu’anda un plizcu malina, col envís de qu’alite ceo…

     D’aquella, taba nel bancu falando con un veceru francés sobro’l mio inmediatu viaxe a París, cuando otro, arxentín, que taba a la vera y que nun se decatara más que de que colaba pa la capital de Francia, m’espetó al altu la lleva: “¡Ah, París…, París es una siudad maravillosa, pero los franseses…, los franseses son unos hiiiiiiiijos de puuuuuta!”.


martes, 11 de febrero de 2014

Moza asturiana


La to imaxe esperteya,
la color, frescu d’arume,
parolar, sele a la oreya,
seya nel mar o na cume.

Como paxarín de branu,
andes adulces la sabla,
yes el requexu del vanu,
yes del horriu, la so tabla.

Son los tos güeyos, andrinos,
el to xestu ye poema,
los tos pies son andarinos,
yes el candor fechu fema.

D’esmolecer, la to risa,
la brisa l'alba'l to aliendu,
la to manera, folixa,
de xeniu igual que rodendu.

Los tos llabios son carriles
que trespanden l’allegría,
dende mayu a los abriles,
somorguiada en poesía.

Yes la calor en xineru,
la rellumada del rayu,
de la rimada, senderu,
yes del riscar, el restallu.

Los mozos, xentes del aire,
per onde’l to pelo esnala,
la to piel, camisa’l flaire*,
l’asturianu, la to fala.


* Camisa’l flaire, planta de flores blanques

Pindesierra

lunes, 10 de febrero de 2014

Clichés


Se le cayó un verso suelto,
a un poeta despistado,
con un blanco se ha revuelto,
y en desconcierto han rimado.

Se le olvidó un verso libre,
cuando buscaba el caído,
sé que del mismo calibre,
en un caos desmedido.

Uno cantaba a la mar,
a esa mar tan recurrente,
que reincide sin parar
y tanto gusta a la gente.

Otro le cantaba al cielo,
¡joder con el cielo azul!,
el que pasma al más canelo
y soporte da al gandul.

Se unían en el ocaso,
o sea que, como siempre,
su feligrés hace caso,
en tanto la puesta empre. 

La puesta, no de gallina,
la puesta, puesta de sol,
por donde el cielo alucina
y el sol semeja un farol.

Ya marcharon las gaviotas,
esas que dan tanto juego,
a una colinas remotas,
descuida, ya vendrán luego.

Desde lo alto del faro,
vislumbro una sutil barca,
allí el sagaz con descaro,
al inocente, lo embarca.

Absortos en la rutina,
 partieron con rumbo al trópico,
si bien, uno se imagina,
que se anclarán en el tópico.

domingo, 9 de febrero de 2014

L'amigu de Químiques.


     De la que me caltuvi n’Económiques, tuvi un bon amigu de Químiques al que-y perdí la buelga. Foi de magar qu’aconceyáramos nuna carrera universitaria, na que por culpa de la so estaya-y debieron llantar un númberu atómicu nel dorsal y españaría per cualquier requexu ensin dexar xaceda.

sábado, 8 de febrero de 2014

RIP Boinás. Rogái a Dios por Salave.




     Nun dexéis de lleer esta noticia, nun tien bagazu nengunu…    

http://www.lne.es/occidente/2014/02/08/mina-oro-boinas-multada-84000/1539801.html


     ¿Ye esti’l futuru que quies palos tos fíos y la to tierra? 

     “Ye bien cenciellu: namái se ve bien col corazón. Lo esencial ye invisible a los güeyos”

      A la cita de El Principín-y amestaría que sobre manera ye invisible a los güeyos interesaos. Nada se ve, cuando se mira pa otru llau por culpa del repunante dineru. Cuando’l pan de güei ye fame pa mañana per aciu del envelenamientu y ruina del benditu terrén que va encetar a l’home y a los demas seres vivos, l’actividá nos españa en manes y coraes. Yá-y lu dixi a un inxenieru mines que lu defendía: ¿Ye esi'l futuru que quies palos tos fíos?


     RIP Boinás. Rogái a Dios por Salave.

viernes, 7 de febrero de 2014

Na vieya radiu de casa


     Na vieya radiu de casa se sentíen locutores y cantantes que cantaben cantares mui guapos. Na vieya radiu de casa había bien de concursos y noveles. Na vieya radiu de casa retresmitíen munchos partíos de fútbol. Na vieya radiu de casa narraben una montonera cuentos y noveles que te facíen suañar. Na vieya radiu de casa s'oyíen anuncios encoplaos y cantarinos qu'aínda soi quien a recordar...

     Un día, de la que colaron los mios pas, quixi poneme en contautu direutu con toa esa xente tan ruina que coyía dientro la radiu y garré un destornellador de la caxa los preseos, destornellé los torniellos, apalanqué la tapa d’atrás y acolumbré alloriáu que toos marcharen y que nun dexaron más que llámpares, cables, conexones y fierros.

miércoles, 5 de febrero de 2014

De mi perro


(Grupu Verde Asturies)


Del mio perru deprendí que, cuando daquién tuvo un mal día, ye abondu con sentase al so llau en silenciu y acompañalu.

Del mio perru deprendí la racionalidá de los mal llamaos irracionales.

Del mio perru deprendí tantes coses ensin que me dixera nada…

lunes, 3 de febrero de 2014

ÑEVA



     Ñeva sobre Madrid, esta vegada dieron nel clavu los meteorólogos. Daqué sotripa güei la caspa les ñubes y esta caye sobro l’afogante ciudá. Los vehículos y les chimenees cuspen el so fumu al cielu para refugala, mientres qu’ella aporfia en esbariar ente la sorrisa de los neños que-y dan la bienvenida. La xente s’abriga y retaca les ventanes de les cases pa que nun entre’l fríu. Bien de díes enantes, la temperatura foi más baxa y esa mesma xente caleyaba en caldia colos sos problemes ensin decatase de la pelona. Sicasí, gran parte d’ella quexa col fríu del iviernu de la mesma mena que maldiz la calor del branu. L’ensame y el so quexicar güei caleyen xuníos baxo esa caspa nidia y blanca qu’anecia en cayer. A min, que soi como los neños, me presta que caiga; magar que, dacuando en vez la desapiegue del chaquetu. D’otra miente, nun soi quien a amosavos una semeya p'amestar a esta caxigalina, yá que llanté un calcañu pencima l’escáner y agora deprendí, acolumbrando los cachos, que nun hai que lu triar pa nun esgoncialu; asina que tenéis que vos conformar cola primera que tope.