Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

miércoles, 29 de octubre de 2014

Marramiáu


Folgaba’l señor don ratu,
echadín nel so furacu
marramiáu, que diz el gatu,
a la gueta del furacu.

Cuando recibió una carta,
por si–y peta ser cesáu,
marramiáu, carta qu’aparta,
por si–y peta ser cesáu.

Por una tarxeta opaca,
que yá esfrutara Blesa,
marramiáu, parió la vaca,
tarxeta ñegra y encesa.

Al ratu dempués del gastu,
prindaron-y nel furacu,
marramiáu, nun tien bon tastu, 
prindaron-y nel furacu.

Anque estazó la baraxa.
diz que nun rompiera un platu
de la que tuvo na Caxa,
pos nada sabía’l ratu.

Al golor del gamonéu,
camudó d’economía,
marramiáu que tuvo feu
y atropó muncha rensía.

Too tuvo que tornar
de la bolla de quebrantos,
marramiáu vaya finar,
igual que van finar tantos.

Magar que canta la xente:
siete vides tien el ratu,
marramiáu, tenlo presente,
que naide escaeza’l datu.

lunes, 27 de octubre de 2014

El Pinrock de la prisión


 Tol día tan de fiesta equí na prisión,
la orquesta de los presos entamó a sonar,
igual que tolos díes yá llegó’l camión,
cargáu colos corruptos que van a ingresar.

Y el 47 dixo al 23,
el rock de la cárcel yá va aporfiar,
prindaron al Granados y tu nun lu crees,
ven equí esnalando a rocanrolear.

Que va a reventar,
ta tol mundiu yá en prisión,
y nun son quien a baillar.

 Anda güei qu’esbaria l’Anticorrupción,
The Gürtels nun sabíen dar al saxofón,
los ERE y tarxetes bien saben tocar,
y col Ferrán darréu vienen d’enrechar.

Y un amarguríu nun quixo baillar,
nun baillo’l rockabilly, yo nun fui a pillar,
magar que’l carceleru yá afinó’l roncón
y mandó-y a baillar el rock de la prisión.

Tol mundiu a baillar,
arrevienta la prisión,
y hai más por llegar.

viernes, 24 de octubre de 2014

Pal ramu la Variante

(Semeya, LNE)

Na prensa de güei (24.10.2014):

“La titular de Fomentu dio por superaos los abegosos problemes de filtriaciones d'agua, nos que la so solución incluye un bombéu pa tornar a Llión parte del líquidu que se cola a los tubos.

Fontes de la obra caltienen que los trabayos de contención de la fastera inestable de Campumanes se desendolquen con xeitu y que, d’entamu, nun van suponer una torga pa que se cumpla l'oxetivu d'inaugurar el trazáu en 2015”.


Pal ramu d’esta novena maravía del mundiu deben d’allegase tolos del gobiernu actual y tolos de los anteriores implicaos qu’anden de conseyeros nes llétriques y otres grandes empreses. Toos xuntos dende Lleón tienen que trespandar p’Asturies nesi viaxe inicial ─y yá iniciáticu─ y los sobrevivientes nun escaecer que, si esbarrumba'l terrén moventible encima, nun tien la culpa'l conductor.

jueves, 23 de octubre de 2014

Siempres nos quedará La Cafiante...


Pastor: "La variante de Payares va abrir en 2015 si nun hai problemes téunicos" (Na prensa de güei).


Yá lu dixi en Casablanca:
Nun furrula esa Variante,
a cualquier gobiernu atranca,
siempres queda la Cafiante (5 hores).

Saludos candiales pa Pindesierra, que sabe como va esa guerra.

Compartíu en Feisbuc, d'Humphrey Bogart a Pindesierra.


miércoles, 22 de octubre de 2014

SORIA


Desde un cerro reMachado,
Soria regia mira al Duero,
a un románico legado
y a un presente lisonjero.

Suevos, dorios y romanos
 ocuparon su atalaya,
para otros, los sarranos,
alternando en la batalla.

¿Quién sabe de su alternancia?,
ya refrendará la historia,
como acreditó Numancia,
cual estableciera Soria.

De tu egregio mirador,
ya refería el romance,
tras del hijo de Almanzor,
quedara el Duero a su alcance.

Fuiste línea, fuiste marca,
Alfonso en batalla dura,
reconquistó tu comarca,
Cabeza de Extremadura.

Soria sabe de judíos,
Soria sabe de su aljama,
de cañadas y de fríos,
de linajes y de drama.

Resurgiste de cenizas,
  saqueos galos, contiendas,
y en tus cerros cicatrizas:
ánimas, llaga y leyendas.

Inútil el eufemismo,
en calles y plazoletas,
reencuentra consigo mismo,
la Ciudad de los Poetas,

A Soria, La Bien Cantada,
en San Saturio, con calma,
brindo sólo esta rimada,
pues antes robó mi alma.

lunes, 20 de octubre de 2014

Velea

(Semeya, rtve)

     Anueche soñé qu’un pelleyu toru se tresformó nuna xigantesca tela d’araña. Dellos arácnidos alministraben el so gobiernu y les grandes empreses dende peronia. La corrupción nun yera una esceición sinón que taba perafitada per tolos filos. Los trabayadores yeren inseutos a los que-yos zucaben el sangre y namái dalgunos más gordos, cabezaleros d’un sindicatu, llibraben de la llaceria. A los más vieyos ─yá ensuchos─, qu’andaben estremaos pelos requexos, se-yos aporfiaba en retayar la pensión de vieyura pa la que cotizaron tola so vida.

     Güei, de la que me desperté del suañu, m’alcontré col mesmu cuadru. La velea nun finara.

miércoles, 15 de octubre de 2014

Nun quiero caxa caída



Nun quiero caxa caída,
nin tarxeta anegruzada,
nin mantener de por vida
a toa esa gandayada.

Pretendistis esbardiar
en caxa de preferentes
y vos van enchirolar
p’aselar les bones xentes.

Hai tiempu que lu dicía:
un edificiu que valta
tien que valtar cualquier día,
con tol dineru que falta.

lunes, 13 de octubre de 2014

El perrín y el pullu


Mio perrín collaciu,
burrín d’afalagu,
qu’agüeyáis con xaciu,
con tol ciñu pagu.

Mantu de llanuxu,
güeyos de verdá,
bien esbaria lluxu,
quien amores da.

Nel verde del prau,
damos forcadielles,
tumbaos nel segáu,
cucamos estrelles.

Abluguen del vientu,
na vera’l bardial,
curien col so ventu,
campa y xaratal.

Benditu respingu,
qu’aporta la paz,
si de pocu ringu,
ye de munchu araz.

Fuelguen de sutrucu
y xuntos los ves,
duermen como un tucu,
allá en Guruyés.

Probe del humanu,
que llocu estrapalla,
que presume ufanu,
y per dientro ablaya.

El perrín y el pullu,
refuguen los males,
nun saben d’arguyu,
trazos d’animales.

viernes, 10 de octubre de 2014

Figures de porzolana


     Ensin que naide se decatara, unos cafiantes republicanos camudaron les figures de cera de la reina y de la princesa por otres de porzolana rellumante, tipu Mariquina Pérez, que frayen más fácil.

¡SALVE SALAVE!


CYANIDE CONTAMINARI AETERNUM


RUINA MONTIUM IMPOLLUTUS


INORANTES

     
     ¿Sabíes que’l primer estrenu teatral de Lorca, cuando aínda nun yera afamáu, foi un rotundo fracasu y que los espectadores xiblaron y paticaron a los sos deleres? Dempués, de la que conoció a Xuan Ramón Ximénez y a Nel de Falla, la tema camudara y algamó l’afalagu consagráu de la fama. Hai della xente infeliz qu’escribe enforma bien y que muerre ensin ser reconocío y otra abondo mediocre que ye bien afamao y repolludo a la cuenta de los sos veceros. Mentanto, el llector -sometíu a la publicidá del mercáu- compra, ensin malapenes decatase, lu que-y manden mercar.

miércoles, 8 de octubre de 2014

El perro pagó el pato

Eric Leroy (El País)

“No hay que matar al perro de la contagiada de ébola, es importante para la ciencia”  afirmó Eric Leroy, director del Centro Internacional de Investigaciones Médicas de Franceville.


La España de charanga y pandereta,
en donde la tortura es patrimonio
 impuesto cultural de algún demonio,
que al inocente toro espada espeta.

La España en la que mata la escopeta,
la España de laurel de pelargonio,
hoy aporta de nuevo testimonio
de quien debe pagar la pataleta.

Culpable resultó el mejor amigo,
aquel que da la vida por su amo.
Arrancarle esa vida fue el castigo,

un virus de la muerte fue reclamo,
que trasmutó al humano en su enemigo,
de nada valió al can su noble adamo.


martes, 7 de octubre de 2014

Anecien escontra forga

CENTRO ASTURIANO DE MADRID Separata de la Revista Asturias
Nº 119. LENGUA ASTURIANA, UNA CONSPIRACIÓN MILENARIA
Por José Rodríguez Pérez (Pindesierra).

     Pa dalgunos, l’asturianu sigue ensin esistir. Para otros, sigue siendo la fala de los vieyos de los pueblos. Dellos cunten que ye una fala namái que de folixa o de borrachos, como'l mesmu himnu. Hailos tamién a los que-yos paez a cencielles simpáticu. De xuru, toos cavilguen en comuña qu’esa llingua milenaria nun val pa nada. Yo, nun puño nin turrio, magar que me paez enforma mal que mientres otros acoriquen ensembre lo suyu, nesta Asturies nuesa siempres haya bien de xente rancio que reme escontra forga ensin informase de lu que fala.

     El mio caberu alderique al respeutu, ayeri en “Friquillingüismu”…

     “N’Asturies, al que tien poca capacidá pa pescudar o pa entender les coses talamente como son se-y llama fatu. De la qu’un fatu se columbia, se diz que colinga. Nun trabucái con culampiar, que ye cuando a dalgún repunante-y da por recular. Sí, n’Asturies, dalgunos tiren p’alantre y otros anden p’atrás. D’esta miente, hailos tan amañosos pa enredar que son quien a colingar y a dar la forcadiella a un tiempu. Mentanto, los foriatos rinse de nós por culpa de la so ocurrencia”.

domingo, 5 de octubre de 2014

Plagues


     Enantes, los homes plantaben árboles que daben solombra a les sos cases. N’Asturies, los texos y los carbayos tamién afayaben les ilesies y a los sos parroquianos. Nes ciudaes como Madrid, el Retiru yera un retiru, la Casa Campu, una casa de campu y el Parque l’Oeste se caltenía al oeste. Daquella, un airín de felicidá afalagaba a los homes, a los árboles y a les sos cases. Sicasí, un mal día los nuevos edificios espolletaron más que los vieyos árboles y a estos-yos entró la plaga de la tristura. Entós, los árboles atristayaos lloraron cañes de les sos rames que cayíen sobre la xente que caleyaba y aína cafió por ello. Darréu, l’alcalde mandó fender les sos cañes de llárimes y la plaga de la tristura treslladóse a tolos vecinos qu’entamaron a asolombrar na vera’l cementu. De resultes, una montonera paisanos entamó a morrer d’aluminosis.

viernes, 3 de octubre de 2014

TARXETA PANTASMA

(Semeya Públicu)


¿CANSÁU D’APORTAR COMISIONES?, ¿YES UNA PANTASMA?, ¡PÍDENOS LA NUEVA TARXETA “PANTASMA”, A LA TO MIDÍA Y ENSIN COMISIONES!

¿Vas pagar polo qu’otros nun paguen?, ¡avérate a la to oficina bancaria pa recoyela!
Los collacios de los nuesos conseyeros son los nuesos collacios.

(Tolos tos gastos xeneraos cola tarxeta Pantasma van refugar ser cargaos en cuenta y tan garantizaos pol correspondiente gabitu/rescate procedente de retayos a la clas media, trabayadores y pensionistes).

jueves, 2 de octubre de 2014

El cuentu la Variante


- ¿Quies que te cunte'l cuentu cafiante del AVE la Variante?

- Sí.

- Yo nun te digo nin que sí, nin que non, yo namái te digo: ¿qué si quies que te cunte'l cuentu cafiante del AVE la Variante?

- Bonu.

- Yo non te digo que «bonu», yo namás te digo: ¿qué si quies que te cunte'l cuentu cafiante del AVE la Variante?...



Y morrieron el pá y la so fía, y l’AVE siguía ensin furrular.