La to imaxe esperteya,
la color, frescu d’arume,
parolar, sele a la oreya,
seya nel mar o na cume.
Como paxarín de branu,
andes adulces la sabla,
yes el requexu del vanu,
yes del horriu, la so tabla.
Son los tos güeyos, andrinos,
el to xestu ye poema,
los tos pies son andarinos,
yes el candor fechu fema.
D’esmolecer, la to risa,
la brisa l'alba'l to aliendu,
la to manera, folixa,
de xeniu igual que rodendu.
Los tos llabios son carriles
que trespanden l’allegría,
dende mayu a los abriles,
somorguiada en poesía.
Yes la calor en xineru,
la rellumada del rayu,
de la rimada, senderu,
yes del riscar, el restallu.
Los mozos, xentes del aire,
per
onde’l to pelo esnala,
la to piel, camisa’l flaire*,
l’asturianu, la to fala.
* Camisa’l
flaire, planta
de flores blanques
Pindesierra
Dende llueu, pa'mpezar ya me dejes pasmáu. Una pregunta: tóes les poesíes que pones ¿Tiénesles publicáes en daqué llibru? Tuve fisgando un pocu y ta'nlleno d'elles
ResponderEliminar¡¡Acual más guapa!!
Non, amigu, por culpa de que nun me prestaría un res qu’una editorial me refugara la mio xera y tampoco me presento a nengún concursu, quiciabes pa más alantre, entós yá te lu comunicaría. Munches gracies,
ResponderEliminarEncantáu, Mariluz.
ResponderEliminarEste comentario ha sido eliminado por el autor.
ResponderEliminarGuapa poesía.
ResponderEliminarNo te puedo comentar en asturiano, porque el míu ye de andar por casa, jeje, pero sí que lo entiendo cuando lo leo, y en este poema bien medido y bien rimado, luce con el mismo esplendor que la moza de tus versos. Mis felicitaciones, Poeta.
ResponderEliminar