El que reburdia a la tema
del nuesu mundiu abegosu,
pero vive del sistema,
que chingue ya−y coma l’osu.
Al que−y repuna’l dineru,
pero ocupa la vivienda
que mercara un compañeru,
que−y engulla n’otra
sienda.
Al más llistu que Varistu,
que vive de la to ayuda,
que lu rustie con esquistu
o−y pape en carne cruda.
Quien nun quixo cotizar,
esquitando toa prueba,
y más pensión quier cobrar,
que lo almuerce na so cueva.
Al políticu que pacta
tres siete años la renta,
tráguelu y que conste n’acta
y naide lu tea en cuenta.
El que quema la so viesca,
camudándola n’infiernu,
qu’ambure ellí como yesca
pa la ivernada d’iviernu.
Dientro de la cueva l’osu,
onde xanta tan campante,
ves cadarmes de faltosu,
y tamién de repunante.
No hay comentarios:
Publicar un comentario