Xuaquira

¡Ayudáime a alcontrar a Xuaquira!

 

Robáronme la burra,

cola so albarda,

la mio burra tan curra,

tan nidia y parda.

 

Amás de la mio neña,

la cabezada,

nun dexaron nin seña,

buelga nin nada.

 

Si la viera un collaciu

que dea noticia,

que toi perdiendo’l xaciu

por esa picia.

 

Si la viera un paisanu

que me lu cuente,

del oriente llonxanu

o d’occidente.

 

Y, si nun−y conozo,

me val tamién,

porque tien puesto’l bozu,

nun come bien.

 

Que voi da−y premiu abondo

pola pollina,

al dir vender un fondu

de la vecina.

 

Anque nun me factura

nin va de xira,

ye l’ausencia mui dura

de la Xuaquira.