El cantar del Cola-Cao

t’espetaba que’l ciclista

yera l’amu de la pista,

güei, lu ye de cualquier llau.

Pos lu topes pel camín,

caleyando pela acera,

na plaza La Escandalera,

La Veiga o San Antolín.

De la que xubes al monte,

nel mediu de la lloría,

cruciando del tren la vía,

un pasu cebra o la ponte.

Torga’l pasu del camión,

l’autocar o'l coche llinia,

sin matrícula ni insinia

nin identificación.

L’automóvil o ambulancia

anden adulces detrás.

Per onde conducirás,

carecerás esta andancia.

Nuna curva nun lu veis,

conduz con munchu procuru,

con nublina o tiempu escuru,

¡van sin V-16!

Ye peor en casu urxencia

o va parite una vaca,

esti asuntu ye de traca,

hai qu’armase de paciencia.

Los de sielles o patinos

tamién te pueden llevar,

por acio que son d’azar

ya arriendes, ambolantinos.