Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

domingo, 6 de junio de 2010

CORPUS CHRISTI


Corpus Christi, voladores,
los nenos de comunión,
l’ilesia cubren de flores,
entama la procesión.

Escaecen l’amargura,
alcordanzas yá llonxanas,
mentanto predica’l cura
ya repiquen las campanas,

Folixa de bona pinta,
la orquesta anicia a tocar,
de la que fina la xinta,
de la que presta cantar.

De la que claria lo escuro,
de la qu’estena l’orpín;
col paparáu café puro,
aína esnales col maxín.

De la que reza la güela,
de la qu’enrieda’l rapaz,
de la que para la zuela,
de la que sientes la paz.

Corpus Christi, voladores,
vezos vieyos ya tonadas;
nel pueblín los mios amores,
como en dóminas pasadas.

2 comentarios:

  1. MILLONES DE GRACIAS PIN, ES UN GUSTO TENER SEGUIDORES DE ESTA TALLA.

    ME ENCANTA.

    ResponderEliminar
  2. Gracias a vos, pol vuesu procuru ya la vuesa sensibilidá.

    ResponderEliminar