Entamara a sentir xaciar la vida,
de la que yá escaeciera’l mesmu enfotu,
de la que s’afogaba allá per Sotu,
de la que nun guariaba la firida.
De magar que pasóu pa La Florida
anecióu en componer el pasáu rotu,
nun-y valiera’l vieyu, l’alborotu,
seique nun alitóu nin la carpida.
Apenas esguilara a Valserondu,
la sou arca recostina nun nocéu,
semeyaba españar, frayar el fondu,
La cadarma esbarióu, pintaba feu,
como si envelenara pol fediondu,
morréu'l probe na escontra de Tinéu.
No hay comentarios:
Publicar un comentario