LOS MANSOS

¡Bonaventuraos los mansos; porque ellos van heredar la tierra! ¿Cuáles son los mansos?, ¿van heredar la tierra los gochos, oveyes y nuviellos que van camín del mataderu?, ¿acasu cavilgues que los humanos son los mansos?, ¡Mialma! Los derechos humanos tan asoleyaos polos humanos. Los otros vivientes tamién tienen los sos derechos. Cualesquier otru ser vivu tien el mesmu derechu que'l ser humanu pa esistir. Esi derechu lu respetará aquel humanu que tenga un mínimu de criteriu. Los animales nun son oxetos. Los animales nun son fatos. Los animales tienen tantos sentimientos como l’home seya quien a decatase d’ellos. Esgoncia la to escopeta, dexa d’averate a la tortura los gües y entama a camudar de ceba, vas alcontrate meyor contigo mesmo. Alcuérdate “nun vas matar”, nun ye cenciellamente “nun vas asesinar”. ¡Vive y dexa vivir!