Tuvi a ver el so conciertu
de gaita, arpa y tonada,
la verdá que foi un aciertu,
quedó la xente encantada.
La zanfoña y la bandurria
tamién les toca esti mozu,
nel intre, camudó murria
por fargataes de gozu.
Héctor Braga ye l’artista,
amás de mozu candial,
de xuru, salta a la vista,
qu’esti rapaz ye mundial.
Célebre dafechamente,
ye esti showmanpaisanu,
qué lu sepa tola xente,
un gran showmanllangreanu.
Garra bien pel mangu, el cazu,
tou lu remana con xaciu,
voi finar con un abrazu
que-y apurro a esti collaciu.
No hay comentarios:
Publicar un comentario