La dolce, dolcena,
chivín, chivirina,
yá nun das nin pena,
yá nun das nin clina.
La cabrina mocha
que foi afamada,
como la Camocha,
la de la tonada.
La oveyina xalda,
carneru la llueca,
que’l rebañu balda,
fuxi de la fueca.
Corderín menudu,
llana d’astracán,
curia del papudu,
fartón y manguán.
Castrón poderosu,
cuernu de ferrial,
nun te come l’osu,
sí’l más animal.
Chivina, chivina,
dexái la corrada,
o marcháis aína,
o vais ser tayada.
Con too un rebañu,
colé pal oriente,
güei yá fai un añu,
tenéilu presente.
Toos son amigos,
toos son collacios,
comemos formigos
per estos espacios.
No hay comentarios:
Publicar un comentario