Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

martes, 12 de mayo de 2015

Plantes d'Agustín


Quieren algamar la llinia,
eses plantes d’Agustín,
pa falar con Abisinia,
o quiciás con Carbayín.

Ye que cortaron la suya,
cola fuelga Movistar,
magar que nun meten bulla,
toes pruyen por falar.

Que les plantes tamién falen,
pallabres que lleva’l vientu,
que con esi vientu esnalen,
se sienten col pensamientu.

Elles son como muyeres,
si’l teléfanu-ys falta,
van enfocicar daveres,
¡que-yos dean aína l’alta!

Toos taremos tranquilos,
el güelu, el pá y el fíu,
si furrulan los sos filos,
nun paguemos el coríu.

No hay comentarios:

Publicar un comentario