Arre caballín
melgueru,
tira yá del mio
xarré,
cuerre y salgamos del
veru,
blincando pela paré.
Esnalemos nesti cielu,
esguilando peña y
monte,
sin poner los pies
nel suelu,
aprovezamos el
pronte.
Dexé la moñeca en
casa,
pero tando a la to
vera,
voi viaxar ensin
tasa,
lloñe de la guiadera.
Vuela’l caballu
mimosu,
vuela Alicina con él,
l’atmósfera afita’l
rosu,
en catropea y tropel.
Nel tropel de les sos
rises,
rises de namái los
dos,
ablucaron los
malvises,
trayeutu de caricós.
De la que rinden na
tarde,
de la que llega la
nueche,
tornan xuntos con
gran farde,
la neña en caballu y
coche.
Mañana será otru día,
día de maxa y de
parque,
p’Alicina, otra
allegría
y, pal caballu, otru
embarque.
Güei, caltiénse la
semeya,
como una puerta al
pasáu,
solo la traviesa
ella,
caballu y xarré al so
llau.
No hay comentarios:
Publicar un comentario