A la corrigüela,
Manuela,
qu’arruina’l to prau
segáu.
Si nun tien galbana,
to hermana,
la tien qu’arrincar
ya iguar.
Pa tresnar un pote,
de cote,
pa dalgún manguán,
con pan.
Con morniu y centén,
tamién,
que-y de cagalera
cansera.
Que sé qu’adelgaza,
na faza,
y marche d’equí,
que sí.
Que sobren faltosos,
xostrosos,
rondando’l corral,
paez mal.
Da-y adré cicuta,
de zuta,
que cole depriesa,
princesa.
A la corrigüela,
Manuela,
que matasti a un mozu,
nel rozu.
No hay comentarios:
Publicar un comentario