Los tréboles de Pindesierra son toos de
cuatro fueyes. Non, nun ye un trébole namái, ye tola mata. Nunca viera cosa
tala: de salú, ando frayáu; de xeitu, cuasi n’ayén; si faigo una primitiva, nun
atoleno nengún númberu: la llotería nun me tocara na vida y dexé de picar por
culpa d’ello; si xuego a les cartes, nun garro una mala brisca… Sicasí, los
mios tréboles asoleyaron toos de cuatro fueyes. Lo peor del casu foi que nun m’alcordara
d’eses ayalgues y al finar el branu debí d’arrincalos col restu los bardayos. Ta
perclaru: ¿pa que me va a tocar daqué si nun pue unu tener nada?
No hay comentarios:
Publicar un comentario