Inoráu por inorantes,
nun espublizó les obres,
mientres trunfen los farsantes,
tantu vales, tantu cobres.
Ansí ye la poesía,
morriera na probitú,
por aciu una apoplexía,
intenta imita-y, tu.
¡Qué dura ye la vida
d’aquel que fuye de lu establecíu,
y sigue la escondida
sienda, ensin avíu,
de raros poetes de versu escoyíu;
que nun l’enturbien l’arca
inorantes soberbiosos dirixentes,
nin de dorada marca
aceuta pretendientes
de los que manipulien a les xentes!
Nun importa la fama
callada del so nome pregonera,
ayén si−y encarama
la llingua falaguera
que nun garra poesía verdadera.
No hay comentarios:
Publicar un comentario