Andaben siempre a la tema,
los de Cangas ya Tinéu,
de la mayada a la sema,
del más curiosu al más feu.

Naciera, yo, tan feliz,
¡Miánicas! N’aquel.la guerra;
foi la mio ma de San Fliz,
mio pá, del partíu Sierra.

Como nun yeren meirazos
colaron a los Madriles,
marcharon per Calabazos,
baxo l.lombas ya cantiles.

Moramos ente otras murias,
sin escaecer el teitu
de nuesa querida Asturias,
de la que falo con xeitu.