Los que me conocéis, yá sabéis perbién que nun llevo móvil y que nin siquiera esmolecí un res por saber como furrulen. Per equí, pela Villa y Corte, la xente ponse biliesga nel metru mirando pa ellos, mentanto calquen apuraos colos deos na so pantalla. Na mio casa merquen bien d’ellos y yos-presta tener la última novedá. A lo cabero, sintiera dende’l mio cuartu que'l d’agora traye amestada una guaxa que-yos apurre los correos y les soleyes de baldre. L’asuntu tiénme dafechamente amedranáu porque ye bien sabíu qu’esta vieya zuca’l sangre a neños y nuevos fasta qu’enllena’l so banduyu. Asina que, de magar que lo supi, colingué una cigua nuna paré de la sala, nun vaya a ser...
No hay comentarios:
Publicar un comentario