Nel sur del Tinéu
eternu,
armóse la
escandalera,
pos garranon el
gobiernu,
las del Cuartu la
Riera.
Coleutivu de muyeres,
de muyeres de
raigañu,
que nun-ys pasan los
seres,
na súa xera, añu tras
añu.
Colos vezos ya
costumes
que na faza
remanecen,
eillí en Tuña, ente
las cumes,
onde los frayaos
xorrecen.
Tolos paisanos
daquella,
esbarrumbanon na
trema,
igual qu’en Madrid,
Botella,
quien manda acó ye la
fema.
Fonon el pueblu
exemplar,
porque-y dieron bona
maña,
pal sóu nome
espoxigar
per cualquier requexu
España.
Antroiru, Feria de
muestras,
Corpus Christi ya la
Llana,
de la folixa,
maestras,
ya de l’axuntanza
sana.
Ye’l nuesu nucleu rural,
un ventanu abiertu al
mundiu,
per aciu’l centru social,
tan prestosu como
tundiu.
No escaezas la
llamada,
t’esperamos eiquí en
Tuña,
au medra la senada,
onde nada s’esmasuña.
Aquende, col meyor
xeitu,
na seronda o
primavera,
vas afayate dafeitu,
nesti Cuartu la Riera.
(Al
que-y pete que llea cola “ch” vaqueira, refugo llantala porque nun me presta
muitu la súa grafía)
No hay comentarios:
Publicar un comentario