Llomba que brama y
vomita,
las cadarmas pelas
llosas,
qu’abluquen dende La
Escrita,
nos praos de Las
Ablanosas.
De la que naciera
agostu,
ensin plizcu de
respetu,
foron seiscientos el
costu,
que finaron con
xunetu.
L’avanzada apura’l
pasu,
a tiru del enemigu,
que dispara en campu
rasu
y-yos fri como a un
formigu.
Reteníos los blindaos
a la salida de Cuoru,
bien atolenen
soldaos,
tamién el gallegu y
moru.
Nesa cenciella
escoyeta,
la raya Candamu
trona,
pol rabión la
metralleta,
pel regueiru la
Fontona.
Años d’arume de
muerte,
esparcíu sol Cimeru,
empobinando esa
suerte,
un neciu cabezaleru.
De los vascos y
asturianos,
s’amestó la sangre
roxa,
sangre de los
milicianos,
que'l Frente’l Nalón
acoxa.
Güei, yo, solo y
alloriáu,
sobro esta tierra
bendita,
llanto col Cimeru al
llau,
la mio llárima na Escrita.
No hay comentarios:
Publicar un comentario