El mar nun ye pa cantar,
que si ye azul; que
si, inmensu,
al mar lu hai
qu’afalagar
y nun dexar
indefensu.
Nun refundiar les
basories
nes sos agües
revolvines,
nin al aire valtar
cories,
nin al terrén, los
purines.
Nin térmiques, nin
velenos,
que l’aliendu seya
bonu,
pa desataponar senos
y llaceries del
carbonu.
Nin más metales
pesaos,
nin vertíos, nin
gafures;
si nun tamos
coordinaos,
morreremos con
voltures.
El nuesu mar yá
protesta
de qu’afuega, con mil
foles,
ye’l mundiu como una
orquesta,
que nun te cuenten
más troles.
Camudemos el camín
y dexemos d’emporcar
la tierra, ríos y
orpín,
o'l mar tornará a
glayar.
No hay comentarios:
Publicar un comentario