Hai bien de xente que reburdia de la Rede.
Hai muncha xente que refuga’l Feisbuc. Hai una montonera xente que
cenciellamente nun almite lu que nun conoz. Como en too, collacios, hai que
peñerar. De la que torné a Asturies esta vegada, tuvi con dalgunos amigos d’esa
triba a los que nun conocía en persona y la esperiencia nun pudo ser más duecha.
Equí toi con un d’ellos, Cesar, nel so perguapu pueblu. Magar que cuquéis nel
cartelu’l nome de Loro, tamién podéis topar na carretera’l topónimu asturianu
de Llouru, amás de xente prestosa a trompa talega. D’esta miente, yo que
siempres caltengo’l mio maxín n’Asturies, tamién me caltengo averáu a los mios
candiales amigos.
No hay comentarios:
Publicar un comentario