L'infiernu

(Semeya de X. Arrojo)

   

      Abúltaseme que ye un avisu: la quema nun fina y aporfien les nubes arroxando como enxamás s’acolumbraren. El cielu espeya’l fueu qu'anecia y arreniega de los degorrios que camuden el Paraísu en Infiernu. El finxu d’esi cielu antemana un cambéu climáticu que nos emponen los malditos que llueu reburdiaran de la calor y de que nun llueve. ¡Qué la maldición de Gaia, la biosfera a la que pertenecen y a la qu’amburen, caiga sobre ellos! La so escomunal llaceria yá nun tien igua y toos vamos carecer les consecuencies que bien ceo van resultar al aviesu de como cavilgaben.