Queríos amigos y emponderaos collacios: ¡Carái!, ¡carucha!, ¡carape!, ¡coime!,
¡condia!, ¡coya!, ¡diantre!, ¡demoru!, ¡hala, ¡ixuxú!, ¡madiós!, ¡meca!,
¡mialma!, ¡miániques!, ¡oh!, ¡rediola!, ¡vaya!, ¡runfa y rezumba la calaviya! Fino
de tornar de fin de selmana (yá sabéis que nun gasto móvil) y m’alcuentro col
vuesu carráu de felicitaciones. ¡Munches, munches gracies, sois toos mundiales!
El Gamonéu del Puertu viniera envasáu al vaciu pa percorrer la distancia y
travesar la calor, torne — anque seya de manera virtual— pa la convidada a toos
y caún de vosotros. De la que cumples más y más años, la data de caducidá vase
averando magar que mal a gustu; sicasí, estos momentos paga la pena vivilos.
Anecio en apurrivos les gracies a goxa enllena ya en siguir al vuesu llau.
No hay comentarios:
Publicar un comentario