Voi nun Alsa a Les Bahames,
pel fondu los siete mares,
nin me mires nin m’algames,
y, si me ves, nun declares.
Partiera dende la China,
au s’afita la parada,
hai parada, fonda y mina,
a sociedá venceyada.
Teo un fierro a la mio vera,
d'orixe en Hong Kong y Suiza,
pa reponer na tartera,
vamos pidir una pizza
a un que se cambió a Jazztel,
vendiendo a otra compañía,
de resultes, el pastel,
camudó a pastelería.
Venimos del paraísu,
qu’a naide-y paeza mal,
que naide nos faiga visu
de paraísu fiscal.
Vamos bañar nes sableres,
nes sableres del Caribe,
ye meyor que nun t’enteres,
qu’aquel qu’aporta recibe.
¡Bahames tierra querida,
Santander de mios amores,
onde inverten de por vida,
bonos alministradores!
No hay comentarios:
Publicar un comentario