Toa mañana
amanez con café,
zucre y galbana.
Nada se ve,
cuando la niebla tapa,
el propiu pie.
Pueque la capa
nun ablugue la to alma,
si pues, escapa.
Too ta en calma,
la mesma soledá
de sola ensalma.
Cola piedá,
algames a ser fuerte,
por caridá.
Quiciás acierte,
si asomes pel ventanu,
sinón, la muerte.
Seique ye en vanu,
a la pámpana rota,
l’amor llonxanu.
Nin una gota,
nin clin me pinta bien,
porque m’enfota.
Nun cuco’l zen
si’l 17 ama,
fino n’ayén.
Per Yokohama,
nun vos quedar conmigo,
la Oka (nun) yama.
No hay comentarios:
Publicar un comentario