Nun van consiguir que calle,
nin la noticia ye falsa,
que s’allegó un osu a El Valle
y bañara na so balsa.
Por acio de la llavaza
ya'l so componente activu,
alluma güei pela faza,
esi osu radioactivu.
Illuminando la vega
ya’l regueru’l Regueral,
de la que llegó a Bixega,
tornó’l probe a Ferredal.
Sintiendo nun poder más
porque–y faltaba aliendu,
algamara al fin Boinás,
nesi paraxe d’arriendu.
Nun viera per nengún llau
nin rastru del Arroxón,
nin rastru del Arroxón,
sí’l Cauxa col arramáu
de la contaminación.
¡Qué burlla de paraísu,
que–y vienden al turista!,
espotrexaba ensin rixu
polo que tenía a la vista.
Naide cuente que ye trola,
qu’esi osu de Balmonte,
da lluz como una farola
nesa llaceria de monte.
Va a ser en Cangas mañana
y pasáu será n’Ayande,
esfardanen la quintana
ensin torga y a lo grande.
No hay comentarios:
Publicar un comentario