Díme paxarín parleru,
díme qué fales,
col to piar melgueru,
mientres esnales.
Tienes unos ñegros güeyos,
plumes castañes,
y guapos badagüeyos
con qué m’engañes.
Dicen que’l Presi morriera,
yo nun lu creo,
miráilu a la mio vera
siempre lu teo.
Díme paxarín parleru:
¿con quién charrabes?
De la llingua, voceru,
mui bien lo sabes.
Dicen que s'inventa’l bable,
xente inorante,
eso nun ye fiable,
yo soi falante.
Díme paxarín paisanu
que nun s'inventa,
que cumplió l’asturianu,
d’años, milenta.
No hay comentarios:
Publicar un comentario