Chemtrailín, chemtrailán,
fumerinos de San Xuan,
los del rei afumen bien,
los de la reina, tamién.
Piden pan y nun-yos dan,
piden quexu, dan-yos güesu,
tol día vienen y van,
afumando monte y fuexu.
Que nun ye combalechar,
que nun quieren fumigar,
que ye agua condensao
ya un plizcu sarriu arroxao.
Que van d’equí p’acullá,
pa gastar en querosenu,
que naide aforfugue yá,
que salga a alendar el nenu.
Yo nun sé que coime pasa,
dime tu como lo ves,
sobro’l cielu la mio casa,
sobre Cueiru ya Avilés.
Chemtrailín, chemtrailán,
fumerinos de San Xuan,
los del rei chinguen bien,
los de la reina, tamién.
Los de Duque, truque, truque,
que dexara’l ministeriu,
quien lo ruque que lo muque,
que pa min ye un gran misteriu.
No hay comentarios:
Publicar un comentario