La crítica de la casta
y del que no contribuyi
s’escaecen cola pasta
y cuando’l qu’enriquez fuyi.
El “youtuber” y el políticu,
el probe ya’l desquiciáu,
afamaos pol puntu críticu,
se despinten pa otru llau.
La color ye según toca,
pero se trabuca en pagu,
la comenencia, de boca,
¿pa que papar un mal tragu?
Asina ye l’idealismu,
camuda col capital,
porque l’humanu l’egoísmu
ye un sentimientu normal.
Yo’l refugu de la envidia
nunca enxamás lu sintiera,
caltengo una vida nidia
esfrutando’l monte y riera.
No hay comentarios:
Publicar un comentario