DEPRENDI ASTURIANU

ALVERBIOS DE MOU

Adulces, albentestate, amodo, ansí, apriesa, arré ~ adré, arrémente, asina, a teyavana, bien, como, damecío, damedies, darréu, davezu, dafurto, demientes, ensel, escapao, igual, mal, mesmamente, meyor, peor, rápido, sele, selemente, talamente, volao, etc.

MOZA ASTURIANA

La to imaxe ye soleya,
la color, frescu d’arume,
parolar, sele a la oreya,
dende’l mar fasta la cume.

Como paxarín de branu,
andas adulces la sabla,
yes el requexu del vanu,
yes del horriu, la so tabla.

Son los tos güeyos, andrinos,
ye la to boca, poema,
los tos pies son andarinos,
yes el candor fechu fema.

D’allegría la to risa,
la brisa l'alba'l to aliendu,
la to manera, folixa,
de xeniu igual que rodendu.

Yes la calor en xineru,
yes la solombra de mayu,
de la rimada, senderu,
yes del riscar, el restallu.

Los mozos, xentes del aire,
ayuri'l to pelo esnala,
la to piel, camisa’l fraire*,
l’asturianu, la to fala.

(*camisa’l fraire, planta de flores blanques)

¿SEDRÁN CASTELLANOS?

Sí, yo, yera un nenu que moraba en Madrid pel hibiernu ya en Asturias pel branu. Sí, yera pequeno, sicasí dábame cuenta de que na Corte tábamos de caseiros ya en Tinéu d’emprestaos. Ei!!í yéramos los asturianos ya eiquí los castellanos o los madrilanos; asina que foriatos en toa ringla ya en tolas partes. Na capital yera l’únicu Pin de las sos caleyas, dempués, los collacios emprincipianon a !!amame Jose; cavilgaba que me cristiananon, de sutrucu, outra vegada, pos nun sabía nada d’esi nomatu. En Tinéu la xente falaba distintu, ya había cerras, había regueiros, había carros del país, había xatos, ferres, melandros, raposas... ya ¡machos! ¡Miánicas!, ¿sedría entós en Madrid la xente fía d’un pollín o una pollina?... Nun entrugué a naide por nun cafiar.
La cousa ye que fui medrando ya mercara casa propia, ya, inda, casería de fin de selmana; ensin embargo nada camudó. En Tinéu ya Cangas yera madrilanu, ya en Castie!!a, asturianu. Asina qu’un día merqué, de mano apurrida pa setiembre, pisu con sobráu nel mesmu Grau, ya atalanté qu’enxamás fadría casu a nengún faltosu. Soi asturianu exiliáu n’otra dómina ya, agora, repatriáu por temporadas; anque, pémeque, muita de la mio parentela de Tinéu ya Sierra yá nun ta, y, abonda xente d’esa fastera nun fala como daque!!a. ¿Sedrán castellanos?

ATALANTAR NAS ZREIZAS

Güei, na xornada de reflexón palas eleiciones europeas, de la que taba pañando zreizas, entrugóme un vecín:

—Á Pin, ¿tu, sos de manzorgas o de drechas?

A lu que-y alderiqué:

—Si sos quién a columbrar, verás que paño zreizas colas dúas.

Nun l’entraba pel güeyu, ya siguiera porfiando; fasta que, yá cafiante, endilgó:

—¡Val, ho!, ¿Pero, per que llau préstante más?

Asina que-y retruqué, arreimente:
—Home, a min, las zreizas gústanme pel mesmu centru, zámpolas pela boca.

FLÓREZ

El mio octavu apellíu ye Flórez, vien de la cana mio ma, de Robléu Biforcu (Casa Flórez), ya, préstame a esgaya. D’otra miente'l xeneral Riego yera tamién Flórez.

FLÓREZ

Flórez/ Flores - Patronímicos de origen etimológico germánico como derivado, según la mayoría de los autores, de Fruela , Froilan o Froila, forma esta al parecer más correcta, como integrada por las voces "frangi" (señor, dios) y "land" (tierra, país). La evolución de la lengua y la natural inclinación a operar metátesis entre consonantes líquidas produjo formas como: Froila, Frola, Froja, Forga, Froile, Frillo, Frolle, Froge, Fruila, Frúia, Fruga, Fruile, Frúie, Friola o Fluira y los patronímicos de estos derivados: Frilaz, Froiras, Frólaz, Fróiaz, Frójaz, Froilez, Frólez, Froles, Fórez, Fólez y Fores. Habiendo quien atribuye , como antepasado, al rey Fruela II. Ha dado numerosos caballeros a las Ordenes Militares, e ilustres personalidades. Sus armas son en campo de azur tres flores de lis de oro bien ordenadas, con bordura de gules con ocho aspas de oro (éste es el escudo más antiguo, perteneciente a una rama en particular)

MIRAR POLOS ANIMALES NUN YE POLÍTICA

Hai dalgo no que tan d’alcuerdu'l PP, el PSOE ya la Casa Real. Ye consentir, cuando non, dir de folixa p’agüeyar como padecen ya amorrentan los gües na plaza. Muita xente cabezalera trabuca la tortura por cultura. ¿Qué socedería si tolos paisanos a quién-ys aborrez castigaran ya votaran al PACMA (Partíu Antitaurinu contra'l Maltratu animal)?

PAL MIO AMIGU CESAR

Tocó a Cesar el cordeiru,
el que sortianon en Tuña,
amarró un reyu, primeiru,
dempués que-y echo la uña.

Asoleyan la semeya,
l’animal torna la tiesta;
ye que-y berra la oveya,
a la so ma, nun-y presta

que lu !!even pa Surriba,
encirráu nel maletón;
col so fíu, pe!!á arriba,
trespanda'l so corazón.

Quiciás tresnaralu Tina
a esa candial creatura,
pa xantalu na cocina.
¡En toa fiesta hai tristura!

Pindesierra

UN ALTO EN EL CAMINO / nº 21

Segunda página

(Error tipográfico en Santiago de Cerrado, debe decir Cerredo / anteriormente crucero debe de ir con minúscula)

Xosé Rodríguez (Pindesierra)

UN ALTO EN EL CAMINO / Nº 21

Primera página

-Pa lleer calca na fueya que medra-

Adiós a las DESCARGAS

1. UNA PESADILLA: ANGELES González-Sinde, MINISTRA DE CULTURA » EL ...
Adiós a las DESCARGAS « Se Habla De: 8-4-2009 a las 00:56 ... 7 Abr 2009 ... -La nueva Ministra de Cultura en contra de las descargas...


En Cangas yá tan retemblando, si quitan la descarga muerre’l Carmen ya la so folixa.

Pindesierra

Fai cuantisimayá en L!uarnes...

Ansí yera’l ciclu’l pan,
en L!uarnes, la farina
amasábala Patán,
tras pineirala Marina.

Enantes, chaba Pimientu,
de la qu’amestaba solu,
pa que !!eldara, formientu,
dempués, arroxa Pistolu.

Asina, naque!!a faza,
carretada a la panera,
la mui sabrosa fogaza,
dormía na fogacera.

Pindesierra

Molinera de Santianes

Si quies que yo te cortexe,
molinera de Santianes,
ties que camudar el dexe,
de la qu’arrample los panes.

Xubirás las pindias peñas
pela mañanina, ceo,
pela vera’l riu Areñas
qu’aguárdote en Carriceo.

Esguilando’l Payarón,
agüeyando Los Franxones,
voi date’l mio corazón
ya una maniega perdones.

Apúrreme la fogaza,
las !!ambionadas ya’l queisu,
xantaremos nesa faza,
abe!!ugaos nun requeixu.

Si quies que yo te cortexe,
de Santianes, molinera,
tendrás que posar el fexe
p'arroxar la to fornera.

Pindesierra

ADIÓS

Adiós Campa l’Arenal,

El Cimblu ya El Fontanón,

adiós La Cruz del Toural,

fincara ei!!í’l corazón.

Adiós Regueiru Cortín,

adiós La Reguera Seca,

Las L.leirizas y El Va!!ín,

escontra Peña Manteca.

Adiós San Fliz ya Ablaneda,

Cabanas ya La Piñera;

dexara atrás Agoveda,

ablucáu, camín de Xera.

Quedanon los mious parientes

p’alendar nel campusantu,

a la vera d’outras xentes,

pal miou anoxu ya'l miou espantu.

Adulces, sele que sele,

toos se fonon marchando,

na miou arca españa un cuele,

ya’l duelgu vame afogando.

EL QUE NUN FALA ASTURIANU YE PORQUE...

1. DA-Y VERGOÑA...

ENTÓNCENES, ¿PA QUE LU FALES, CUANDO LU FALES DE COÑA?


2. PREFIER ESTUDIAR L'INGLÉS...

¿NUN YES DEPRENDER LOS DOS?, SEIQUE EMPLEGUES LOS DOS PIES.


3. EL BABLE NUN VAL PA NADA...

QUIEN A TOU PON UN PRECIU, TIEN LA SO VIDA TASADA.


4. YE ALDEANU...

YE LA LLINGUA DE NOS, DE LA VILLA, Y DEL PAISANU.


5. YE DE XENTE DE MANZORGA...

TU YES EL QUE PON LA LLINDE, TU YES EL QUE PON LA TORGA.


6. TA MUI APURÁU...

EL QU'AFUÉGASE NUN VASU, NUN TA APURÁU, TA AFATÁU.

¿VAS DEXAR QUE MUERRA?, ¿QUÉ YE LO QUE TU FAES?: ¿NUN SERÁS DE LOS RENEGAOS QUE REBURDIEN DE TOLO SUYO? o ¿ACASO YES DE LOS REPUNANTES QUE TOLO FAEN POR CAFIAR?

(DIGLOSIA: Billingüismu desequilibráu. Cuando una llingua se-y da un tratu inferior y los sos falantes nun gocen d'iguales oportunidaes d'usu social que cuando empleguen la otra llingua.)

PINDESIERRA

LO LLEVAMOS CLARO...

Gran parte de la comunidad científica considera la existencia de extraterrestres como más que probable. La NASA se suma a los diversos programas y proyectos que se utilizan para su localización. Parece como si la humanidad estuviera muy interesada en contactar apresuradamente con dichos entes. Sin embargo, me gustaría precisar que si los ovnis observados en el firmamento pertenecen a estas entidades y son capaces de viajar en tan corto espacio de tiempo el tan enorme espacio sideral que nos puede separar, su civilización estaría mucho más desarrollada que la nuestra. Esto, por pura lógica, nos presupone un gran peligro. Si, nosotros, a los seres menos evolucionados, nos los comemos, los encarcelamos, los esclavizamos, les arrancamos las pieles, experimentamos con ellos y les infringimos innumerables torturas; los foráneos, como más civilizados que son, podrán hacer otro tanto con nosotros. Son las cosas de la evolución, los más listos intentan justificar su “patente de corso” sobre los menos.

Esperemos que se demoren los encuentros generalizados en tercera fase, porque, como los alienígenas sean como nosotros, lo llevamos claro...