Lluis de Turiellos

Y un poeta orixinal, que ye una categoría a parte que dexa güelga propia nel camín de les lletres, que yá ye abondo. (Munches gracies, Lluis)

jueves, 11 de abril de 2013

El pasu l'AVE


     Fuéramos ayeri a recibir a un pariente que llegaba nel AVE a la estación d’Atocha y los viaxeros aportaben a traviés d’un pasu con un llargor talu que seique algamaba la provincia de Cuenca. De la que llegaben, daben candiales abrazos y melosos chuchinos a los que yos-esperaben trés venir de bien lloñe nel AVE y de la provincia Cuenca pel pasu. Foi’l casu que-y espeté a la muyer: “Si quies, un día traigo un maletu y voi fasta alluendi al cabu'l pasu y, de la que vengo, m’afalagues”. De secute, ella me retrucó: “Si quies, un día traes un maletu, vas fasta alluendi al cabu’l pasu, garres un tren y nun tornes más”.

No hay comentarios:

Publicar un comentario