Adiós, adiós...

Adiós, ríos; adiós, fontes;
adiós, regatos pequeños;
adiós, de mio Asturies, montes;
adiós l’aldea y los neños.

La mio tierra, la mio tierra,
tierra onde me crié,
güertu, horru, muria y cerra,
alcordances qu'asitié,

praos, ríos faladores,
pinos qu’afalaga’l vientu,
paxarinos piaores,
casina del mio contentu,

ciñu de les castañares,
nueches seles de llugar,
facines y balagares,
campanes de campaniar,

de la ilesia gayaspera
onde rezaba con vós,
afayáu a la to vera,
¡adiós, para siempre adiós!

¡Adiós gloria! ¡Adiós folixa!,
¡la casa onde nací,
la braña cola so brisa,
nun m’escaeceré de ti!

Dexo amigos por estraños,
dexo fastera por mar,
dexo parentela y años,
muérrome por vos dexar.