Anque nun se ve
l’eclís,
tamos toos eclipsaos,
yá que polo que
dicís,
andáis toos bien
frayaos.
Si nun miramos pal
cielu,
nun vamos ver les
estrelles,
si traes melendrín el
pelu,
traerás roxes les
mexelles.
Ye por culpa de la
nube
o eses estelaes que
ves,
qu’anden tamién pel
You-Tube,
seique, “chemtrails”
en inglés.
Quiciás pola
Llei Mordaza,
al par, por culpa’l
PP,
o daquién que metió
baza,
arriendes, de mala
fe.
Pue que
combalechadura,
pue que secretu
d’estáu,
pue que por culpa del
cura,
o peor, del obispáu.
Fixéronme mercar
gafes,
unes gafes
especiales,
nuna campaña
d’estafes
y nun ves nin les
chavales.
Como la pila de
Tesla,
refugáronlu n’España,
al sur y al norte del
Esla,
el que nun prinda,
t’engaña.
Esti eclís ye una
engañifa,
güei la pegaron col
sol,
mañana con una rifa,
la novedá ye farol.
No hay comentarios:
Publicar un comentario