Un día cualesquiera, en
cualesquier requexu d’una tierra de llabor asturiana, alcontré la piedra
pataca.
La piedra pataca
nin fiende nin purga
nin mete na saca
nin te da la murga.
Nin podrez na tierra
nin precisa d’agua
nin al rustir berra
nin en sartén nagua.
Nin esfrez col fríu
nin cuez col calor,
nin val pa un avíu
nin tastia’l sabor.
Nun la llambe’l xatu
nin pica la pita,
quicias el más fatu
cuente que ta frita.
Ayena a la fame,
si en dalgún peligru
s’amuesa al algame,
tasca l’embeligru.
Nun será la monda,
magar ye de traca,
nun lleva la tronda,
la piedra pataca.
No hay comentarios:
Publicar un comentario