Prietu terciopelu’l
día,
pasó’l tiempu pa él
tamién,
Llorienzu Santamaría,
Nueches de blancu
satén.
Adulces, sele,
suaves,
tamién cantaron con
él,
delles voces güei más
graves
d’otra dómina en
cairel.
Pente esi tiempu
qu’esfuma,
remanecieren figures,
surtiendo pente la gruma,
nesa plaza,
perdayures.
Aquellos Juniors
d’Albertu,
Sucos, Stukes, Cervales,
el pasáu a cielu
abiertu
o ablugáu nos
soportales.
L’Asturies
rocanrolera
sofitaba al
mallorquín
ya esos grupos na so
xera,
bien espurrida en
camín.
Ansí pa que nun
olvides,
dedica−y un pensamientu:
como trescurren les
vides,
como se les lleva’l
vientu.
Guapa nueche d’aquel
día,
tornamos a los 60,
Llorienzu Santamaría,
y siendo en Xixón, la
cuenta.
No hay comentarios:
Publicar un comentario